အချုပ်တန်းဆရာဖေ၏ #ဆောင်းဘွဲ့
ခန်းဆောင်ရွှေ ရဝေတွင်းမှာလ
ချမ်းပေါင်လေ တဖေတင်းသော်လဲ
ဖြေရင်းရယ်တဲ့ ခိုက်ခိုက်တုန်။ ။
မျက်တခတ်
ပြက်လျှပ်ကယ် တဗီဇနာမျှ
ထည်အလွှာ အကုန်ထွေးသော်လဲ
ကြည်အသာ မလုံသေးပါဘု
မှိတ်ပါလျှင် လိပ်ပြာက အေးတာမို့
သွေးလန့်လို့ ခုန်။ ။
ယမ်းယောင်ကာ တ,လျက်ညည်းမိတော့
သန်းခေါင်မှာ မြကြက်သီးတွေက
တဖီးဖီး ပျံ့လို့ငယ်အုံ
ဗ်ာဆုံတဲ့ ရာသီပဲ။ ။
ငွေနှင်းငယ်မှုန်
လေညှင်းရယ် တသုန်သုန်နှင့်
ချမ်းပုံမှာ ကမ်းကုန်ရစ်တာမို့
မန်းတုန်အောင် လမ်းဆုံက ဟစ်ချင်တော့
သည်ခေတ်မှာ သည်လိုဟာဖြင့်
သည်ကိုယ်မှာ သေသေလုပါပေါ့
ကမ်ဘာကို ဗြဟ္မာတို့ပြုခဲ့တယ်
ဆောင်းရတုပွဲ။ ။
No Comments