ကမ္ဘာ့လေအသန့်ဆုံးမြို့များ

စက်မှုထွန်းကားရေးက ကမ္ဘာကြီးပေါ်မှာ ဆက်လက်ကြီးထွားနေတာဖြစ်လို့ လေထုညစ်ညမ်းမှုကလည်း ကမ္ဘာ့ကြီးပေါ်မှာ ပြောစရာလမ်းကြောင်းတစ်ခုဖြစ်နေပါတယ်။ ကမ္ဘာပေါ်ရှိ အချို့မြို့ကြီးများတွင် လေထုညစ်ညမ်းမှု လွန်ကဲပြီး ၎င်းတို့ရှိ လေထုအရည်အသွေးသည် ဒေသခံများနှင့် ခရီးသွားများအတွက် ကျန်းမာရေးအန္တရာယ်ဖြစ်စေနေပါတယ် ။ ဒါပေမဲ့ အချို့သောမြို့များက စိမ်းလန်းသောပတ်ဝန်းကျင်နှင့် တင်းကျပ်သော ပတ်ဝန်းကျင်ဆိုင်ရာ စည်းမျဉ်းများကြောင့် သန့်ရှင်းသောလေထုအရည်အသွေးကို ရနေလို့ ဂုဏ်ယူနေရပါတယ်။ ကမာ္ဘပေါ်က လေအသန့်ဆုံးမြို့တွေအကြောင်းကို IQair website က စာရင်းလုပ်ထားပါတယ်။

၁၄ ။ ။ ဟိုနိုလူလူ ( အမေရိကန် )

အမေရိကန်နိုင်ငံ ဟိုနိုလူလူမြို့သည် ကမ္ဘာပေါ်တွင် အသန့်ရှင်းဆုံးသောလေထုကို ပိုင်ဆိုင်ခွင့်ရသည့်အတွက် ဂုဏ်ယူရပါတယ်။ ၎င်း၏ ပထဝီဝင်တည်နေရာနှင့် ဟာဝိုင်အီ၏ တင်းကျပ်သော သဘာဝ ပတ်ဝန်းကျင်ဆိုင်ရာ စည်းမျဉ်းစည်းကမ်းများသည် သန့်ရှင်းသောလေထုကို ဖြစ်ပေါ်စေပါတယ် ။

၁၃ ။ ။ အော့ကလန် (နယူးဇီလန်)

နယူးဇီလန်နိုင်ငံ၊ Auckland သည် ၎င်း၏ မယုံနိုင်စရာ မြင်ကွင်းများ၊ ဝေလငါးကြည့်ရှုနိုင်သည့် အခွင့်အလမ်း များနှင့် ကပ်လျက်ရှိနေတဲ့ မီးတောင်ကျွန်းများ သာမက လေထုအရည်အသွေး ကောင်းမွန်ခြင်း ကြောင့်လည်း ကမ္ဘာပေါ်တွင် လည်ပတ်ရန် အကောင်းဆုံးမြို့များထဲမှ တစ်ခုဖြစ်နေပါတယ် ။ မြို့တော်တွင် တင်းကျပ်သော သဘာဝပတ်ဝန်းကျင်ဆိုင်ရာ မူဝါဒများနှင့် ရေရှည်တည်တံ့သော အလေ့အကျင့်များအတွက် ကတိကဝတ်များ ကြောင့် ကမ္ဘာ့အသန့်ရှင်းဆုံး လေထုအချို့ရှိနေရတာပဲဖြစ်ပါတယ် ။

၁၂ ။ ။ ဘရစ္စဘိန်း ( သြစတြေးလျ )

ကွင်းစလန်းပြည်နယ်ရဲ့ ရှုခင်းသာ ရတနာဖြစ်သော Brisbane သည် အံ့မခန်း စိတ်လှုပ်ရှားဖွယ်ရာ ဆွဲဆောင်မှု များစွာ ရှိသည့် လူစည်ကားသော မြို့ကြီးတစ်မြို့ဖြစ်ပါတယ် ။ Brisbane ရဲ့လေထုအရည်အသွေးက ခရီးသွားများ အတွက် နောက်ထပ်ဆွဲဆောင်မှုတစ်ခုဖြစ်ပါတယ် ။

အရှေ့တောင်ဘက်ကမ်းရိုးတန်းတစ်လျှောက်တွင် တည်ရှိသော မြို့၏ရိုးရိုးလေထုသည် စက်မှုညစ်ညမ်းမှုနည်းပါးခြင်း၊ တင်းကျပ်သောလေထု အရည်အသွေး ဥပဒေများနှင့် ဓာတ်ငွေ့ထုတ်လွှတ်မှုကို ကန့်သတ်ရန်ကြိုးပမ်းမှုများကြောင့်အဲ့ဒိလိုလေသန့်နေရတာပါ။

၁၁ ။ ။ ဂျီနီဗာ ( ဆွစ်ဇာလန် )

လေထုညစ်ညမ်းမှု အလွန်နိမ့်ကျသော၊ သန့်ရှင်းသောမြို့အတွက် မူဝါဒများ၊ ထိရောက်သော အများသူငှာ သယ်ယူပို့ဆောင်ရေးနှင့် ရေရှည်တည်တံ့ခိုင်မြဲသော ဖွံ့ဖြိုးတိုးတက်မှုအတွက် ပံ့ပိုးကူညီမှုများဖြင့် ဂျီနီဗာသည် ကမ္ဘာ့လေထုအသန့်ရှင်းဆုံးမြို့များစာရင်းတွင် ပါဝင်သည့် အခြားသော ဆွစ်ဇာလန်မြို့တစ်မြို့ဖြစ်နေပါတယ် ။ ဂျနီဗာ၏ သန့်ရှင်းသောလေထုအရည်အသွေးသည် မြို့တော်၏ဆွဲဆောင်မှုကို ထိပ်တန်းခရီးသွားနေရာတစ်ခု အဖြစ် တိုးစေသည်။

၁၀ ။ ။ အော်စလို ( နော်ဝေ )

အော်စလိုမြို့သည် နော်ဝေနိုင်ငံ၏ မြို့တော်ဖြစ်ပြီး နိုင်ငံ၏ လူဦးရေအများဆုံးမြို့ဖြစ်ပါတယ် ။ စီးပွားရေးနှင့် အပန်းဖြေအနားယူရန် အေးဆေးတည်ငြိမ်သောမြို့ဖြစ်ပြီး အော်စလိုရှိ လေထုသည် လတ်ဆတ် သန့်ရှင်းပြီး လေထုအရည်အသွေးအညွှန်းကိန်းကို ကြွားလုံးထုတ်ကာ ၎င်းတို့က ကမ္ဘာ့နေထိုင်ရ အကောင်းဆုံးမြို့များထဲမှ တစ်ခုဖြစ်ကြောင်း ဖော်ပြလေ့ရှိပါတယ်။ လေကောင်းလေသန့်ရှိနေလို့ ၎င်း၏အလှပဆုံးနေရာများကို အလွယ်တကူ ကြည့်ရှုနိုင်စေပါသည် ။

၉ ။ ။ စတော့ဟုမ်း ( ဆွီဒင် )

စတော့ဟုမ်းသည် ဆွီဒင်နိုင်ငံ၏ မြို့တော်ဖြစ်ပြီး တံတားများနှင့် ရှုမျှော်ခင်းများကြောင့် ကျော်ကြားသော ဥရောပသမဂ္ဂရှိ အံ့သြဖွယ်အကောင်းဆုံးမြို့များထဲမှ တစ်ခုဖြစ်သည်။ မြို့တော်က ကမ်းနားမြို့တော်အဖြစ် ထင်ရှားပြီး ကျွန်း ၁၄ ကျွန်း ပါဝင်သည်။ ၎င်းရဲ့ လေထုအရည်အသွေးသည် ပတ်ဝန်းကျင် ညစ်ညမ်းမှုကို သတိထားသော ဧည့်သည်များအတွက် အဓိကဆွဲဆောင်မှုတစ်ခုဖြစ်သည်။ လူဦးရေအများဆုံး ဆွီဒင်မြို့တော် အဖြစ်နဲ့တောင် လုံခြုံပြီး အသက်ရှုရန် မျှတသော လေအရည်အသွေး အညွှန်းကိန်း ရှိပါသည်။

၈ ။ ။ ဗစ်တိုးရီးယား ( ကနေဒါ )

ကနေဒါနိုင်ငံ ပစိဖိတ်ကမ်းရိုးတန်းအနီး ဗန်ကူးဗားကျွန်း၏ တောင်ဘက်စွန်းတွင်၊ British Columbia ပြည်နယ်၏ မြို့တော် ဗစ်တိုးရီးယားမြို့ ရှိပါတယ် ။ “Garden City” လို့ အမည်ပြောင်ပေးထားတဲ့ Victoria သည် ပန်းခြံများ၊ သစ်ပင်များနှင့် ဥယျာဉ်များစွာပါ၀င်ပြီး ကနေဒါတွင် ကမ္ဘာလှည့်ခရီးသည်များ လာရောက် လည်ပတ်သည့် နေရာတစ်ခုဖြစ်နေပါတယ် ။ ဤသာယာလှပသောမြို့မှနေထိုင်သူများနှင့် ခရီးသွားများအတွက် လေထု အရည်အသွေး အညွှန်းကိန်းအဆင့်မှာ ဘေးကင်းတဲ့အဆင့် တွင်ရှိနေပါတယ် ။ မြို့တော်တွင် လေထုညစ်ညမ်းမှု မရှိသောကြောင့် မက်စ်တပ်ဖို့မလိုတဲ့မြို့လို့တောင်ပြောကြပါတယ်။

မောင်ယဿ

ဆက်လက်ဖော်ပြပါမည်