စက်ဘီး မစီးရင် စပိန်သားတွေ ပိုက်ဆံပြန်လျော် ဆိုပြီး အီးယူ ခိုင်း

Ref: EURONEWSစပိန်နိုင်ငံက မြို့ငယ်တွေနဲ့ မြို့ကြီးတော်တော်များများက အုပ်ချုပ်ရေးအဖွဲ့တွေက မြို့တွင်းမှာ စက်ဘီးလမ်းတွေ လုပ် ပြီး စက်ဘီးစီးကြဖို့အတွက် အားသုံး လုပ်ဆောင်နေပါတယ်။ ဒီနှစ်ထဲမှာစက်ဘီးလမ်းတွေ လူသွားလမ်းတွေကို အပြီး မလုပ်နိုင်ပါ ၂၀၂၄ အီးယူ ထောက်ပံ့ကြေး ဆုံးရှုံးရနိုင်ဖွယ်ရာ ရှိနေပါတယ်။
၂၀၂၁ ခုနှစ်ကတည်းက EU သည် ရာသီဥတုပြောင်းလဲမှုကို လိုက်လျောညီထွေဖြစ်အောင်နှင့် ရေရှည်တည်တံ့သော တိုးတက်မှုအတွက် အဖွဲ့ဝင်နိုင်ငံများကို ထောက်ပံ့ငွေများ ပေးအပ်ခဲ့ပါတယ်။
ထိုအချိန်မှစ၍ လူသွားလူလာများသောနေရာများ၊ ဖန်လုံအိမ်ဓာတ်ငွေ့ထုတ်လွှတ်မှုနည်းသောဇုန်များနှင့် စက်ဘီးလမ်းများ ဖန်တီးခြင်းကဲ့သို့သော အစိမ်းရောင် ရွေ့လျားသွားလာမှုတွင် ယူရိုသန်းပေါင်းများစွာကို မြှုပ်နှံထားပါတယ်။ သို့သော် စပိန်ရှိ မြို့တော်ကောင်စီအများအပြားသည် ရေရှည်တည်တံ့သော အဆင့်မြှင့်တင်မှုများ ပြုလုပ်ရန် နှေးကွေးနေခဲ့ပါတယ်။
ဒီနှစ်တော့ EU ပြန်လည်ထူထောင်ရေး၊ အသွင်ပြောင်းရေးနှင့် ခံနိုင်ရည်ရှိရေး ရန်ပုံငွေများ လက်ခံရရှိထားသော အစိမ်းရောင်စီမံကိန်းများ၏ တိုးတက်မှုကို စပိန်တွင် ပြန်လည်သုံးသပ်မှာဖြစ်ပါတယ်။ တကယ်လို့ နှစ်ကုန်တွင် စီစဉ်ထားသော အလုပ်များ၏ လေးပုံတစ်ပုံ မပြီးသေးပါက လက်ခံသူများအနေနဲ့ ရန်ပုံငွေများကို အတင်းအကြပ် ပြန်လည်ပေးအပ်ခိုင်းစေနိုင်ကြောင်း စပိန်သတင်းစာ ၂၀မိနစ်ရဲ့ အစီရင်ခံစာတွင် ဖော်ပြထားပါတယ်။
UNEP ၏အဆိုအရ မြို့တွေက ကမ္ဘာလုံးဆိုင်ရာ CO2 ဓာတ်ငွေ့ထုတ်လွှတ်မှုရဲ့ ၇၅ ရာခိုင်နှုန်းခန့်အတွက် တာဝန်ရှိပြီး သယ်ယူပို့ဆောင်ရေးသည် အဓိကထုတ်လွှတ်နေတာပါ။ အဲ့လိုအနေအထားကြောင့် အီးယူက၂၀၃၀ တွင် ဖန်လုံအိမ်ဓာတ်ငွေ့ ထုတ်လွှတ်မှု ၅၅ ရာခိုင်နှုန်းလျှော့ချရန်နှင့် ၂၀၅၀ တွင် ၉၀ ရာခိုင်နှုန်းအထိ လျှော့ချရန် ရည်ရွယ်ပြီး ၊ မြို့ကြီးများ နဲ့ မြို့ငယ်များအတွက် ရေရှည်တည်တံ့သောသယ်ယူပို့ဆောင်ရေးအစပျိုးမှုများအတွက် EU ရန်ပုံငွေဘီလီယံပေါင်းများစွာကိုအသုံးပြုခွင့်ထားရှိပါတယ်။
စပိန်အတွက်က စဉ်ဆက်မပြတ်ရွေ့လျားနိုင်မှု မဟာဗျူဟာအောက်မှာ ကိုယ်ပိုင်ကားအသုံးပြုမှုကို ၂၀၃၀ ခုနှစ်တွင် ၃၅ ရာခိုင်နှုန်းအထိ လျှော့ချဖို့ ပစ်မှတ်ထားထားပါတယ်။
ယင်း၏တစ်စိတ်တစ်ပိုင်းအနေဖြင့်၊ လူဦးရေ ၅သောင်း ကျော်ရှိသောနေရာများသည် ‘zonas de bajas emisiones’ (ZBEs) – ဓာတ်ငွေ့ထုတ်လွှတ်မှု နည်းသောဇုန်များ ၊ လူစည်ကားသောအလယ်ပိုင်းဒေသများတွင် ယာဉ်အမျိုးအစားများကို ကန့်သတ်ရန်နှင့် ညစ်ညမ်းစေသောကားအမျိုးအစားများကို အသုံးမပြုခြင်း စတဲ့ ကတိကဝတ်တွေကို စပိန်မြူနီစီပယ် ၄၀၀ နီးပါးက ပေးထားပြီးသားမို့ လုပ်ပေးရမှာပဲဖြစ်ပါတယ် ။
ဘာစီလိုနာ၊ မက်ဒရစ်၊ ဆီဗီးလ်နှင့် ဇာရာဂိုဇာတို့သည် ZBE များကို အကောင်အထည်ဖော်ပြီးသော မြို့များထဲတွင် ပါဝင်ပါတယ် ။ ဒါပေမဲ့ အခြားမြို့ပေါင်း ၁၅၀ ကျော်သည် ၎င်းတို့ရဲ့ ကနဦးနောက်ဆုံး သတ်မှတ်ရက်ကို ကျော်လွန်သွားပါတယ်။ ၂၀၂၃ ဇန်နဝါရီ မှာ သက်တမ်းတိုးခဲ့ပါတယ်။ လျှပ်စစ်ဘတ်စ်ကားများ၊ ပန်းခြံနှင့် စီးနင်းနိုင်သော ရွှေ့လျားယာဉ်များ ၊ ကားမျှဝေခြင်းအစီအစဉ်များနှင့် လျှပ်စစ်ကားများကို မိနစ်ပိုင်းအလိုက် ငှားရမ်းခြင်းများနှင့်အတူ စက်ဘီးလမ်းကြောများကိုလည်း တိုးချဲ့လျက်ရှိပါတယ်။ မက်ဒရစ်သည် ထုတ်ထားသော EV များကို ငှားရမ်းခြင်းဖြင့် ကားဟောင်းကို ဖျက်သိမ်းရန် အပိုဆုကြေး ယူရို ၁၂၅၀ ပေးထားပါတယ် ။ ကိုယ့်ကားကို ဓာတ်ငွေ့ထုတ်လွှတ်မှု ကင်းစင်သောယာဉ်ဖြင့် အစားထိုးလိုသူများအတွက် ယူရို ၂,၅၀၀ မှ ယူရို ၉,၀၀၀ ကြား ထောက်ပံ့မှု ရနိုင်ပါတယ်။
မြို့ကြီးအတော်များများမှာ မက်ဒရစ် ရှိ BiciMad၊ ဘာစီလိုနာ ရှိ Bicing နှင့် ဗလင်စီယာ ရှိ Valenbisi ကဲ့သို့သော စက်ဘီးအငှားဝန်ဆောင်မှုများကိုလည်း ပေးထားပါတယ် ။ အီးယူမှ ရန်ပုံငွေများကို မြို့ငယ်လေးများသို့ ယင်းကဲ့သို့ အစီအစဉ်များချဲ့ထွင်ရန် အသုံးပြုလျက်ရှိနေပါတယ် ။

မောင်ယဿ
Ref: EURONEWS

Share on Facebook