အေဂရိုဗို့တစ် ဆိုတာ ၂ စီးပွားဖြစ်လို့ အနာဂတ် စိုက်ပျိုး-စီးပွားရဲ့လမ်းပြဖြစ်လာမှာပါ

လယ်ယာလို့ပြောလိုက်ရင် စားသောက်ကုန်ထုတ်လုပ်တဲ့ စီပွားရေးကဏ္ဌ တစ်ရပ်လို့မြင်နေတဲ့ အမြင်က ဒီကနေ့ကမ္ဘာမှာ အပြောင်အလဲ ဖြစ်နေပါပြီ။ စိုက်ပျိုးရေးလုပ်ငန်းတွေမှာ အသီးအနှံတွေကို ပျိုးထောင်၊ ရိပ်သိမ်း ၊ အနှံခြွေလောက်နဲ့ မလုံလောက်တော့ပါဘူး။ ခေတ်မီတဲ့လယ်သမားတွေကတော့ စိုက်ခင်းတွေကနေ သီးနှံတွေအပြင် လျှပ်စစ်စွမ်းအင်တွေကို ထုတ်လုပ်နိုင်အောင် ရင်းနှီးမြုပ်နှံလာကြပါပြီ ၊ အေဂရိုဗို့တစ်လို့ခေါ်တဲ့ လယ်ယာထွက်လျှပ်စစ်တွေကို စီးပွားဖြစ်လုပ်ဖို့ကြိုးစားလာကြပါပြီ ။ စိုက်ခင်းတွေနဲ့ ဆိုလာခင်းတွေကို တွဲနိုင်အောင်လုပ်လာကြပါပြီ။ သီးနှံထုတ်မယ် ၊ ပြီးတော့ လျှပ်စစ်ထုတ်မယ်ပေါ့။

အမေရိကားက မက်ဆာချူးဆက်ပြည်နယ်မှာ Blue Wave လို့ခေါ်တဲ့ ပြန်လည်ပြည့်ဖြိုးမြဲစွမ်းအင်နဲ့ ပတ်သက်တဲ့ ပရောဂျက်တွေ လုပ်တဲ့ ကုမ္ပဏီတစ်ခုရှိတယ်။ အဲ့ဒိ ကုမ္ပဏီက ဂေဟစနစ်မပျက်စီးစေဘဲ စီးပွားရေးအရ အောင်မြင်တဲ့အပြင် သန့်စင်တဲ့စွမ်းအင်ဖြစ်တဲ့ လျှပ်စစ်စွမ်းအင်ရရှိရေးအတွက် စီမံကိန်းတွေ ရေးပေးနေတာပါ ။ အဲ့ဒိကုမ္ပဏီရဲ့ ညွှန်ချုပ် ကာဗီတာရာဗီ ဆိုတဲ့ အမျိုးသမီးကြီးနဲ့ Power မဂ္ဂဇင်းတို့ အင်တာဗျူးကို ဖော်ပြလိုက်ပါတယ်။

Power မဂ္ဂဇင်း ။ ။ ပြန်လည်ပြည့်ဖြိုးမြဲစွမ်းအင်ပရောဂျက် တီထွင်သူတွေအနေနဲ့ လျှပ်စစ်ဓာတ်အား ထုတ်လုပ်တဲ့ နေရာမှာ ကြုံတွေ့နေရတဲ့ စိန်ခေါ်မှုတွေက ဘာလဲဗျ ။

ကာဗီတာရာဗီ ။ ။ ပြန်လည်ပြည့်ဖြိုးမြဲစွမ်းအင်ပရောဂျက် developer တွေ ကြုံတွေရတဲ့ အဓိက စိန်ခေါ်မှုက ထုတ်လိုက်တဲ့ ဓာတ်အားကို လျှပ်စစ်ဓာတ်အားလိုင်းနဲ့ ချိတ်ဆက်တဲ့နေရာမှာပါပဲ။ လက်ရှိ ရှိနေတဲ့ လျှပ်စစ် ဓာတ်အား ဖြန့်ဝေတဲ့ စနစ်တွေနဲ့ အခြေခံအဆောက်အအုံတွေက ပြန်လည်ပြည့်ဖြိုးမြဲတွေကနေ ရလာတဲ့ လျှပ်စစ်ဓာတ်အားတွေကို လက်ခံဖို့အတွက် အဆင်သင့် မဖြစ်သေးတာပါပဲ ။ အဲ့ဒိအတွက်လုပ်ထားတဲ့ ဒီဇိုင်း မဟုတ်ဘူးလေ။ ကြားဖြတ်ဝင်လာမယ့် စွမ်းအင်တွေနဲ့ ယုံကြည်စိတ်ချရတဲ့စွမ်းအင်တွေကို ပေါင်းစည်း လက်ခံနိုင်မယ့် အခြေခံအဆောက်အအုံများကို အဆင့်မြှင့်တင်ပေးဖို့ပဲ ဖြစ်ပါတယ်။

ဖြန့်ဖြူးရေးဘက်မှာလည်း ချိတ်ဆက်မှုလုပ်ငန်းစဉ်ကို ရှုပ်ထွေးစေတဲ့ ဓာတ်အားပြောင်းပြန်စီးဆင်းမှုကို ကိုင်တွယ်ရန် ဇယားကွက် အခြေခံအဆောက်အအုံကို ပိုမိုကောင်းမွန်အောင် မပြင်ဆင်ရသေးတာပါပဲ ။ ပြန်လည်ပြည့်ဖြိုးမြဲစွမ်းအင်ကို ထုတ်လုပ်သည့်နေရာကနေ သုံးစွဲတဲ့နေရာသို့ ပို့လွှတ်ရန် အခြေခံအဆောက်အအုံ မလုံလောက်သောကြောင့် ပို့လွှတ်မှုအဆင့်တွင် စိန်ခေါ်မှုများ ရှိနေပါတယ်။ ပြန်လည်ပြည့်ဖြိုးမြဲစွမ်းအင်ကို လူတိုင်းလက်လှမ်းမီနိုင်စေဖို့ဆိုရင်တော့ အခြေခံအဆောက်အအုံကို မြှင့်တင်ပေဖို့ လိုအပ်တာပါပဲ။ နောက်တစ်ခုကတော့ ဈေးကွက်ပါပဲ ။ ဆိုလာကနေရတဲ့ လျှပ်စစ်ပေါက်ဈေးက အခြားကနေရတဲ့ ရတဲ့လျှပ်စစ်ပေါက်ဈေးနဲ့ ယှဉ်ရ်ငနည်းနေတာကို ညှိပေးဖို့လိုတာပါပဲ ။

Power မဂ္ဂဇင်း ။ ။ ပြန်လည်ပြည့်ဖြိုးမြဲစွမ်းအင်ပရောဂျက်တွေအများကြီးလုပ်ဖို့ရှိနေတယ်။ အချင်းချင်း အပြန်အလှန် ချိတ်ဆက်မှုတွေကလည်း တန်းစီနေတယ်။ သူတို့တွေ ဘာကြောင့်ပိတ်မိနေတာလဲ ။

ကာဗီတာရာဗီ ။ ။ ဟုတ်တယ် ၊ တကယ်ပဲ ပိတ်မိနေတာကတော့ အမှန်ပါပဲ ။ ပို့လွှတ်ရေးဘက်မှာက ပရောဂျက် တွေ အတွက် တာဝန်ရှိတဲ့ အော်ပရေတာတွေက ၎င်းတို့ကို အကဲဖြတ်ရန်နဲ့ မြန်မြန်ဆန်ဆန် လုပ်ဆောင်ရန် လိုအပ်တဲ့ အရင်းအမြစ်တွေ ချို့တဲ့နေသေးတာပါပဲ ။ ပရောဂျက်တစ်ခုစတင်ခြင်းနှင့် ပြန်လည်ပြည့်ဖြိုးမြဲ စွမ်းအင်ပေါင်းစည်းမှုကို လိုက်လျောညီထွေဖြစ်စေရန်အတွက် လိုအပ်သောစနစ် အဆင့်မြှင့်တင်မှုများ ပြုလုပ်ခြင်းနှင့် ဆက်စပ်ကုန်ကျစရိတ်များသည် သိသာထင်ရှားသော အဟန့်အတားတွေ ဖြစ်နေတာပါ။

ဓာတ်အားလိုင်းအော်ပရေတာတွေကြားမှာ ပြန်လည်ပြည့်ဖြိုးမြဲစွမ်းအင် နဲ့ ပတ်သက်တဲ့ အကျိုးသက်ရောက်မှု တွေကို စိုးရိမ်ပူပန်မှုများရှိနေတာလည်း ရှိပါတယ်။ အဲ့ဒါကိုဖြေရှင်းဖို့ ဂီယာအော်ပရေတာများက ဖြန့်ဖြူးမှုအဆင့် မှာ ဂီယာလိုင်းအပေါ် ဆိုးရွားတဲ့အကျိုးသက်ရောက်မှုရှိမရှိ အကဲဖြတ်ရန် Affected System Operators လေ့လာမှုများကို ပြုလုပ်လေ့ရှိပါတယ်။ အဲ့ဒိ စိန်ခေါ်မှုတွေကို ဖြေရှင်းခြင်းတစ်စိတ်တစ်ပိုင်းမှာ ဓာတ်အား ထွက်ရှိမှုကို ချောမွေ့စေရန် ဘက်ထရီသိုလှောင်မှု၊ ပေါင်းစပ်ခြင်း နှင့် ပြန်လည်ပြည့်ဖြိုးမြဲ စွမ်းအင် ထုတ်လုပ်ရာ တွင် အဆင်ပြေချောမွေ့စေဖို့ စျေးကွက်ဖွဲ့စည်းပုံများ လိုအပ်ပါတယ်။

ဒါပေမဲ့ လက်ရှိအတိုင်းအတာအရတော့ မလုံလောက်ဘူးဖြစ်နေပါတယ်။ ကုန်ကျစရိတ်များနေတာက ရင်းနှီးမြှုပ်နှံမှုများကို ဆွဲဆောင်ရန်အတွက် မဖြစ်ဘူး ဖြစ်နေတယ်။ လုပ်ငန်းစဉ်များနှင့် ငွေကြေးမက်လုံးများ ချမှတ်ရန် အရေးကြီးပါတယ်။ ဤပြဿနာကိုဖြေရှင်းရန် စျေးကွက်ပြုပြင်ပြောင်းလဲမှုများနှင့် စည်းမျဉ်းစည်းကမ်း အစီအမံများ ပါဝင်တဲ့ ပေါင်းစပ်ညှိနှိုင်းမှုနည်းလမ်းကလည်း မရှိမဖြစ်လိုအပ်နေပါတယ် ။

ပြည်နယ်အဆင့် ရည်မှန်းချက်များဆီသို့ တိုးတက်မှုကို လုပ်ဆောင်နေချိန်မှာ ညီညွတ်သော ပြည်ထောင်စု အစိုးရရဲ့ ဦးတည်ချက်က လူတိုင်းကို တူညီသော ဦးတည်ချက်တွင် ထားရှိရန် အရေးကြီးပါတယ်။

မောင်ယဿ

( ဆက်လက်ဖော်ပြပါမည် )

ကိုးကား —Powermag