ကင်ညာမှာ မိုးကြီးလို့ ရာနဲ့ချီပြီးသေ ၊ သန်းနဲ့ချီပြီးရွှေ့ပြောင်းပေးရ
ကင်ညာနိုင်ငံမြောက်ပိုင်းမှာ မှစ် ၁၀၀ အတွင်း အဆိုးရွားဆုံး မိုးရွာသွန်းမှု ဖြစ်ပွားခဲ့လို့ ရာပေါင်းများစွာသောပြည်သူတွေကိုစစ်တပ်က ရွှေ့ပြောင်းပေးခဲ့ရပါတယ်။
အောက်တိုဘာလကုန်လောက်ကတည်းက ရွာတဲ့မိုးက မဆဲနိုင်ဘဲ
ရေလွှမ်းမိုးမှု ဖြစ်ပွားကာ လူအသေအပျောက်များ ဖြစ်ပေါ်ခဲ့ရပါတယ်။ မိုးလေဝသ ပညာရှင်များရဲ့ ခန့်မှန်းချက်အရ မိုးက နောက်နှစ် အစပိုင်းထိ ရွာသွန်းနိုင်တယ်လို့သိရပါတယ်။
ရေလွှမိးမိုးမှုက ဒေသခံတွေကို ဝမ်းရောဂါ ဖြစ်ပွားမှုနှုန်း တိုးမြင့်လာစေခဲ့ပါတယ်။
မြေနိမ့်ပိုင်းဒေသက ပြည်သူတွေကို ရွှေ့ပြောင်းပေးဖို့အတွက်လည်း မိုးလေဝသဌာနက တောင်းဆိုထားပါတယ်။
ပညာရှင်တွေရဲ့ အဆိုအရ အခုရွာနေတဲ့မိုးက ပုံမှန်ရွာသွန်းတဲ့မိုးမဟုတ်ဘဲ ရာသီဥတုဖောက်ပြန်မှုကြောင့်ဖြစ်တဲ့မိုးလို့ သိရပါတယ်။ မိုးက ကင်ညာနိုင်ငံ တစ်နိုင်ငံတည်းမှာ ကွက်ပြီးကြီးနေတာမဟုတ်ပါဘူး။ အိမ်နီးချင်း ဆိုမားလီးယာမှာလညိး မိုးကြီးလို့ လူပေါင်း ၁၀၀ ကျော်သေဆုံးခဲ့ပြီး သန်းနဲ့ချီ ရွှေ့ပြောင်းပေးနေရပါတယ်။
အဲ့ဒီအပြင် အီသီယိုပီးယားမှာလည်း မိုးကြီး ရေလွှမ်းလို့ ၅၇ယောက်သေဆုံးပြီး လူ ၆သိန်းကိုနိုဝင်ဘာ ၂၇ ရက်နေ့ကတည်းက ရွှေ့ပြောင်းပေးရပါတယ်။ တန်ဇနီးယား နိုင်ငံမှာလည်း ရေကြီး မြေပြို လို့ လူ၆၈ယောက် သေပြီး ၁၀၀ကျော် ဒဏ်ရာရခဲ့ပါတယ်။
မိုးက အာဖရိကအရှေ့ဖက်တစ်ခြမ်းလုံးမှာ သည်းချင်တိုင်းကိုသည်းနေပါတယ်။
ရေကြီးပြီး ဒေသခံတွေရဲ့ လယ်ယာမြေတွေ ဆုံးရှုံးရတဲ့အပြင် မွေးမြူရေခြံတွေပါပျက်စီးခဲ့ရပါတယ်။ ရေကြီးလို့ရွာပေါင်းများစွာ စွန့်ပစ်ခဲ့ရသလို အခြေခံအဆောက်အအုံတွေပါ ပျက်စီးခဲ့ရလို့ အရေးပေါ် လူသားချင်းစာနာတဲ့ အကူအညီများစွာလိုအပ်နေပါတယ်။
ကမ္ဘာကြီး ပူနွေးလာမှုရဲ့ နောက်ဆက်တွဲ မိုးကြီးခြင်း ၊ ရေလွှမ်းမိုးခြင်နဲ့ မိုးခေါင်ခြင်း ဖြစ်စဥ်တွေက နေရာအနှံ့ မှာဖြစ်ပေါ်နေပါတယ်။ ကမ္ဘာ့ရာသီဖောက်ပြန်မှုက လူသားတိုင်းရင်ဆိုင်ရတော့ မယ့် အခက်အခဲ တစ်ခုဖြစ်နေပါပြီ။ အထောက်အပံ့ပေးတယ်ဆိုတာယာယီ
ဖြေရှင်းချက်ဖြစ်ပါတယ်။ ကမ္ဘာကြီး ပူနွေးလာမှုကို တာဆီးနိုင်မှသာ ရာသီဥတုဖောက်ပြနိမှုကို အမှန်တကယ်တားဆီး နိုင်မှာဖြစ်တယ်လို့ ဗြိတိနိတော်ဝင်တက္ကသိုလ်က ပါမောက္ခ နီးလ်ဝီဂန်ကဆိုသွားပါတယ်။
မောင်ယဿ
Ref ; euronews
No Comments