ပြင်သစ်မှာ လယ်သမားတွေလမ်းပိတ်ဆန္ဒပြ
ဇန်နဝါရီ ၂၉ ရက်က ပြင်သစ်မြို့တော် ပါရီ ဆီသို ဝင်တဲ့လမ်းကြောင်း ၈ ကြောင်းလုံးကို ပိတ်ပြီးပြင်သစ်လယ်သမားတွေ ဆန္ဒပြခဲ့ကြပါတယ်။ သူတို့ဆန္ဒပြရတဲ့ အကြောင်းကတော့ လယ်ယာလုပ်ငန်ခွင် တွေမှာ အခက်အခဲတွေ များလာတာရယ် အာဏာပိုင်တွေဘက်က လိုအပ်တဲ့ပံ့ပိုးမှုတွေ မရတဲ့အတွက်ကြောင့်လို့ဆိုပါတယ်။
အဲ့ဒိကိစ္စနဲ့ပတ်သက်ပြီး ဝန်ကြီးချုပ်သစ် ဂါဘရီရာယ်အက်တယ် က ဒီကနေ့ပါလီမန်မှာ လယ်သမားတွေအတွက်အကူအညီဖြစ်မယ့် အစီအစဥ်သစ်တစ်ရပ်ကို တင်သွင်းခဲ့ပါတယ်။
ဒါပေမဲ့ ပြည်ထဲရေး ဝန်ကြီးကတော့ အများပြည်သူဆိုင်ရာ ပိုင်ဆိုင်မှုတွေကို ထိပါးလာနေတဲ့အတွက် ဆန္ဒပြမှုကို ဖြိုခွင်းဖို့ လို လာပြီဖြစ်ကြောင်း တင်သွင်းသွားပါတယ်။ ပြင်သစ်ရဲ ၁၅၀၀၀ကိုလည်း ဆန္ဒပြမှုကိုဖြိုခွင်း ဖို့အရန်သင့် ပြင်ဆင်ခိုင်းထားပါတယ်။
ဆန္ဒပြလယ်သမားတွေကတော့ ရာပေါင်းများစွာသောထရပ်ကားတွေ ကောက်ရိုးထုံးတွေ နဲ့ မိန်းလမ်းမတွေကို ပိတ်ဆို့ထားပါတယ်။ အဓိက အကြောင်းအရာကတော့ ယူကရိန်း-ရုရှား စစ်ပွဲကြောင့် လောင်စာ စျေးတက်လာတာရယ်၊ ကုန်ကြမ်း အဝင်နည်းလို့ အထွေထွေ အခက်အခဲဖြစ်နေတဲ့အတွက်ကြောင့်ပါပဲ။
ပြင်သစ်လယ်သမားသမဂ္ဂဥက္ကဌကတော့ ဒီကနေ့မှာ ဝန်ကြိးချုပ်နဲ့ သွားရောက်တွေ့ဆုံပြီး အစိုးရနဲ့ ညှိဖို့အတွက် ဆွေးနွေးခဲ့ပါတယ်။ ” အစိုးရအနေနဲ့က လက်ရှိအနေအထားမှာ လမ်းကြောင်းတစ်ခုပြောင်းဖို့ လိုနေပါတယ်။ အရေးပေါ်အခြေအနေတစ်ခုဖန်တီးပြီးတော့ အနာဂတ်အတွက် အစီအစဥ် ရေးဆွဲဖို့ လိုနေပါတယ်”လို့ သူကပြောပါတယ်။
လယ်သမားတွေက ပါရီနဲ့ ၁၅ ကီလိုမီတာအကွာမှာရှိတဲ့ ရင်ဂီ အစားအသောက်စျေး ကို ကုန်ပစ္စည်းများမဝင်အောင် ပိတ်ဆို့နေတာပါ။ လောလောဆယ်တော့ ရဲတွေက ဝိုင်းထားတယ် ဆိုတဲ့ သဘောမျိုးပဲ ရှိပါသေးတယ်။
မောင်ယဿ
ကိုးကား။။ ယူရိုနယူးစ်
No Comments