ရာသီဥတုဖောက်ပြန်မှု ကာကွယ်ဖို့ အသားလျှော့စားကြစို့

               ဂျွန်ဟောပ်ကင်း နဲ့ ဟားဗတ် တက္ကသိုလ်တို့ ပူးပေါင်းပြီးပြုလုပ်တဲ့ သုတေသနရလဒ်တစ်ခုအရ အသား လျှော့စားနိုင်ရင် ရာသီဥတုဖောက်ပြန်မှုကို အထိုက်အလျောက် ကာကွယ်သွားနိုင်တယ်လို့ သိရပါတယ် ။ ရာသီဥတုပြန်လည်ကောင်းမွန်လာစေရန် လိုက်ဖက်တဲ့ အစားအသောက်နဲ့ စားသောက်ပုံ ပြောင်းလဲလိုက်ပါက အဆင်ပြေသွားနိုင်တယ်လို့ ဆိုပါတယ် ။ ဧပြီလတုန်းက ရာသီဥတုပြောင်းလဲမှုဆိုင်ရာ အစိုးရအချင်းချင်းအဖွဲ့ (IPCC) အစီရင်ခံစာတွင် ကာဗွန်ဓာတ်နည်းသော အစားအစာများ ရွေးချယ်စားသုံးရန် နိုင်ငံခေါင်းဆောင်များက ပြည်သူများအား တိုက်တွန်းခဲ့ပြီးနောက် ၄င်း သုတေသနစာတမ်း ထွက်ပေါ်လာခြင်းဖြစ်ပါတယ်။ အထူးသဖြင့် အမဲသားနှင့် ဝက်သားကဲ့သို့ အနီရောင်အသားစားသုံးမှုအပေါ် အထူးအလေးပေးထားပါတယ်။

               ဂရင်းပိစ် အဖွဲ့ရဲ့ အဆိုအရ မွေးမြူရေးစက်မှုလုပ်ငန်းတွေကနေ ထွက်ပေါ်လာတဲ့ ဖန်လုံအိမ်ဓာတ်ငွေ့ ထွက်ပေါ်မှုသည် ကမာ္ဘတစ်ဝှန်းလုံးက မော်တော်ကား ၊ မီးရထားနဲ့ လေယာဉ်ပျံတို့က ထွက်လာသော ဖန်လုံအိမ်ဓာတ်ငွေ့ ပမာဏနဲ့ တူညီတယ်လို့ သိရပါတယ် ။ မွေးမြူးရေးလုပ်ငန်းတွေကြောင့်ဖြစ်ပေါ် လာသော သစ်တောပြုန်းတီးမှုကလည်း အများအပြားဖြစ်ပေါ်နေတယ်လို့လည်း ဆိုပါတယ် ။ အမဲသားထုတ်လုပ်မှုတစ်မျိုးတည်းကပင် ကမာ္ဘ့ဖန်လုံအိမ်ဓာတ်ငွေ့ ထုတ်လွှတ်မှု၏ ၁၄.၅ ရာခိုင်းနှုန်း ရှိပါတယ် ။ တိရိစာ္ဆန်အခြေပြု အစားအစာထုတ်လုပ်မှု လုပ်ငန်းများကြောင့် ရာသီဉတုဖောက်ပြန်မှုက ပိုမိုဆိုးဝါး လာနေပါတယ် ။ ယူကေ အပါအဝင် ကမာ္ဘ့နိုင်ငံများမှ မူဝါဒ ချမှတ်သူများက နိုင်ငံသားတွေကို ကာဗွန်များသော အစားစားသုံမှုအား လျှော့စားရန်အတွက် မည်ကဲသို့ ဆွဲဆောင်ရမည်ကို ဆွေးနွေး တိုင်ပင်နေကြပါတယ် ။

             အင်္ဂလန်တွင် စိုက်ပျိုးမြေ၏ ၈၅ ရာခိုင်နှုန်းခန့်ကို နွားများကဲ့သို့ တိရိစ္ဆာန်များအတွက် စားကျက် သို့မဟုတ် တိရစ္ဆာန်များအတွက် အစာကျွေးရန် အသုံးပြုနေပါတယ်။ မြေယာကို ရေရှည်တည်တံ့စွာ အသုံးပြုနိုင်ရန် အသားထုတ်လုပ်မှု ၇၀ ရာခိုင်နှုန်း လျှော့ချရန် လိုအပ်သည်ဟု Greenpeace က ဆိုပါတယ်။ Johns Hopkins နှင့် Harvard တက္ကသိုလ်များမှ သုတေသီများက ပြုလုပ်သော အဆိုပါ လေ့လာမှုတွင် အမေရိကန်ရှိ အရွယ်ရောက်ပြီးသူ ၅၀၄၉ ဦးအား အသင့်စားမီနူးများကို မှာယူရန် တောင်းဆိုခဲ့သည်။ ပါဝင်သူများသည် အညွှန်းသုံးခုထဲမှ တစ်ခုပါရှိသော မီနူးများကို ပြသထားသည်။ အဲ့ဒိထဲမှာ (ထိန်းချုပ်မှုအဖွဲ့)၊ ကြက်၊ ငါး သို့မဟုတ် သက်သတ်လွတ် ပစ္စည်းများပေါ်တွင် အစိမ်းရောင် ရာသီဥတု သက်ရောက်မှု နိမ့်ပါးမှု အညွှန်း (အပြုသဘောဆောင်သော ဘောင်များ) နဲ့ အသားနီပစ္စည်းများအပေါ် အနီရောင် ရာသီဥတု သက်ရောက်မှု အညွှန်း (အနုတ်လက္ခဏာဘောင်) စသည်တို့ပါပါတယ်။

             ရာသီဥတုထိခိုက်မှုနည်းသော မီနူးရှိ အညွှန်းများတွင် “ဤအရာသည် သဘာဝပတ်ဝန်းကျင်နှင့် ရေရှည်တည်တံ့ ခိုင်မြဲသည်။ ဖန်လုံအိမ်ဓာတ်ငွေ့ ထုတ်လွှတ်မှု နည်းပါးပြီး ရာသီဥတု ဖောက်ပြန်မှုတွင် ပါဝင်မှု နည်းပါးသည်။” ရာသီဥတု သက်ရောက်မှု မြင့်မားသော မီနူးတွင် “ဤအရာသည် ပတ်ဝန်းကျင်နှင့် ရေရှည်တည်တံ့ခြင်း မရှိပါ။ ဖန်လုံအိမ်ဓာတ်ငွေ့ထုတ်လွှတ်မှု မြင့်မားပြီး ရာသီဥတုပြောင်းလဲမှုအတွက် မြင့်မားသော ပံ့ပိုးကူညီမှုများ ပါဝင်သည်။” မြင့်မားသောရာသီဥတုအကျိုးသက်ရောက်မှုမီနူးကိုပြသသောအခါ၊ ပါဝင်သူ ၂၃.၅ ရာခိုင်နှုန်းသည် ထိန်းချုပ်မှု အဖွဲ့ နှင့် နှိုင်းယှဉ်ပါက ရေရှည်တည်တံ့မည့်အရာတစ်ခုကို ရွေးချယ်ခဲ့ပါတယ် ။ ရာသီဥတုထိခိုက်မှု မီနူးကို ပေးထား သည့် အဖွဲ့တွင် ပါဝင်သူ ၉.၉ ရာခိုင်နှုန်းသည် ရေရှည်တည်တံ့သော ရွေးချယ်မှုတစ်ခုကို ရွေးချယ်ခဲ့ပါတယ်။

             လက်တွေ့စမ်းသပ်မှုတွင် ကြက်နှင့်ငါးကို ရေရှည်တည်တံ့သော အစားအစာရွေးချယ်မှုအဖြစ် တံဆိပ်ကပ်ထား သော်လည်း ၎င်းတို့သည် သဘာဝပတ်ဝန်းကျင်ကို ထိခိုက်စေနိုင်သည်ဟု လေ့လာမှုများက ပြသခဲ့ပါတယ် ။ ဘာကြောင့်လဲဆိုတော့ ကြက်မွေးဖို့ ပဲပိစပ်စိုက်ခင်း လုပ်ရခြင်း နဲ့ ငါးအမြောက်အများ ဖမ်းဆီးခြင်း ရေနေသတ္တဝါတို့ရဲ့ နေရပ်ပျောက်ဆုံးခြင်းများကိုဖြစ်ပေါ်စေပါတယ် ။