စောင့်ကြည့်ရမယ့် နော်ဝေ ရေအောက်သတ္တုတူးဖော်မှုကိစ္စ

အငြင်းပွားဖွယ် ပင်လယ်ရေအောက် သတ္တုတူးဖော်မှု ကိစ္စနဲ့ ပတ်သက်ပြီး နော်ဝေပါလီမန် ပထမဆုံးအကြိမ် အနေနဲ့ခွင့်ပြုလိုက်ပြီဖြစ်ပါတယ် ။ မြောက်ပင်လယ်အောက်က ကြမ်းခင်းမှာ အာလူးလုံးအရွယ်လောက်ရှိတဲ့ ကိုဘော့ ၊ နီကယ် ၊ ကြေး နဲ့ မန်ဂနိ သတ္တုတွေကို ရှာဖွေ တွေ့ရှိပြီးနောက်မှာတော့ ပါလီမန်က ပင်လယ်ရေအောက် သတ္တုတူးဖော်မှု စီမံကိန်းကို ခွင့်ပြုလိုက်တာပဲ ဖြစ်ပါတယ် ။

အဲ့ဒိသတ္တုတွေက အီးဗွီလို လျှပ်စစ်ကားတွေ ထုတ်လုပ်တဲ့နေရာမှာ အရမ်းကို အရေးကြီးတဲ့သတ္တုတွေဖြစ်ပါတယ် ။ လေတာဘိုင်တွေ နဲ့ ဆိုလာပြားတွေကနေရတဲ့ လျှပ်စစ်ကို သိုလှောင်နိုင်ဖို့အတွက် ဘတ်ထရီလုပ်တဲ့နေရာမှာ မပါမဖြစ်သတ္တုတွေ ဖြစ်ပါတယ် ။ ရုပ်ကြွင်းလောင်စာ ဖျက်သိမ်းနိုင်ဖို့အတွက် လျှပ်စစ်စွမ်းအင်ကို ပြောင်းလဲနိုင်ဖို့ ကြားကာလ အခြေအနေမှာ လျှပ်သို ပစ္စည်းတွေကို စျေးပေါပေါနဲ့ ရနိုင်မှဖြစ်မှာပါ ။ အဲ့တော့ ပင်လယ်ရေနက်ပိုင်းကြမ်းခင်းမှာ သတ္တုတူးဖော်ရေးလုပ်ငန်းကို စတင်နိုင်ဖို့ တရားဝင်ခွင့်ပြုလိုက်တာပဲ ဖြစ်ပါတယ် ။

မြောက်ပင်လယ်ကအောက်မှာ စတုရန်မိုင် ၁သိန်းကျော်ကို ရှင်းလင်းပြီး တူးဖော်ရေးလုပ်ငန်းကို လုပ်မှာမို့လို့ ရေအောက်ဂေဟစနစ် ပျက်စီးသွားနိုင်မယ်ဆိုတာကတော့ ပြောစရာမရှိတော့ပါဘူး ။

သိပ္ပံပညာရှင်တွေက အဲ့ဒိစီမံကိန်းကြောင့် ရေအောက်ဂေဟစနစ်ပျက်သွားရင် နောက်က လိုက်လာတဲ့ ဆိုးကျိုးတွေအတွက်လည်း အများကြီးစဉ်းစားထားဖို့ သတိပေးထားပါတယ် ။

နိုင်ငံတကာ NGO တစ်ခုဖြစ်တဲ့ Environmental Justice Foundation ကတော့ ပင်လယ်ရေနက်တူးဖော်ခြင်းမှ ဖြစ်နိုင်သည့် အကျိုးကျေးဇူးများကို သဘာဝပတ်ဝန်းကျင်နှင့် စီးပွားရေးဆိုင်ရာ အန္တရာယ်များကို ကျော်လွန်ခြင်း မရှိစေဘူး ဆိုရင်တော့ ပြဿနာသိပ်မရှိဘူးလို့ ဆိုပါတယ်။ ပါလီမန်ဆုံးဖြတ်ချက်အရ တူးဖော်ခွင့် ပြုတဲ့ ပင်လယ်အောက်ခြေ အကျယ်အဝန်းက အင်္ဂလန်နိုင်ငံထက်တောင် ကျယ်နေတာပဲ ဖြစ်တာပဲ ။ နော်ဝေပါလီမန်ရဲ့ ခွင့်ပြုချက်ကို ယူ‌ကေရော ဥရောပကော်မရှင်ကပါ သဘောမတူနိုင်ဘူး ဖြစ်နေပါတယ်။

နော်ဝေ သဘာဝပတ်ဝန်းကျင် အေဂျင်စီသည် အစိုးရ၏ သက်ရောက်မှု အကဲဖြတ်မှု အစီအစဉ်ကို ယခင်က ဝေဖန်ခဲ့ပြီး အီးယူ လွှတ်တော်အမတ် ၁၂၀ က အဆိုပါ စီမံကိန်းကို ပယ်ချရန် နိုင်ငံ၏ပါလီမန်အား နိုဝင်ဘာလ တွင် အိတ်ဖွင့်ပေးစာတစ်စောင် ရေးသားခဲ့ပါတယ်။ အီးယူလွှတ်တော်ကိုယ်စားလှယ်များထံမှပေးပို့သော စာတွင် ပင်လယ်ဇီဝမျိုးစုံမျိုးကွဲများ၊ ရာသီဥတုပြောင်းလဲမှု အရှိန်အဟုန်နှင့် ငါးဖမ်းခြင်းကဲ့သို့သော ရိုးရာလုပ်ငန်းများ အတွက် အဆိုပြုချက်အတွက် အန္တရာယ်ရှိကြောင်း သတိပေးထားပါတယ်။

ပင်လယ်ရေနက်တူးဖော်မှုကို ခေတ္တရပ်ရန် သီးခြားအိတ်ဖွင့်ပေးစာတွင် ကမ္ဘာတစ်ဝှမ်းရှိ အဏ္ဏဝါသိပ္ပံနှင့် မူဝါဒဆိုင်ရာ ကျွမ်းကျင်သူ ၈၀၀ ကျော်က ပင်လယ်ရေနက်ပိုင်းနေထိုင်ရာများနှင့် ဇီဝမျိုးစုံမျိုးကွဲများအကြောင်း လူသိနည်းလွန်းကြောင်း သတိပေးခဲ့ပါတယ်။ ကျိုးကြောင်းဆီလျော်မှုကို ပိုမိုနားလည်သဘောပေါက်ရန် ပိုမိုခိုင်မာသော သုတေသန လိုအပ်သည်ဟု ၎င်းတို့က ဆိုထားပါတယ် ။

မောင်ယဿ
REF: Cnbc

Share on Facebook