ရန်ကုန်ဆောင်း
ညတုန်းက
လျှော်ပြီး လှမ်းထားတဲ့ အဝတ်ဟာ
မနက်ကျတော့ ခြောက်နေပြီ။
မနက်ခင်းကိုယ်တိုင်က
အိုက်လွန်းလို့ဆိုပြီး
ကိုယ်တုံးလုံးကြီး ချွတ်လို့။
နှင်းကို မမြင်ဖူးတဲ့
မုန်ညင်းပင်လေးတွေဟာ
စျေးကနေ အိမ်ရောက်ရင် ညှုိးဖို့ပဲ သိတယ်။
ဆောင်းအကြောင်း စာစီစာကုံး ရေးတတ်ဖို့
သားကို
ရေခဲသေတ္တာထဲ ဝင်ထိုင်ခိုင်းရမလို ဖြစ်နေပြီ။
အရင်တုန်းက
နှင်းပဲ ပျောက်တာ
အခုတော့
ဆောင်းပါ ပျောက်သွားပြီ။ ။
စိုးနောင်(မုံရွာ)
No Comments