ဒီစာအုပ်ကတော့ စာရေးဆရာ ဒေါက်တာအာလောက ရဲ့ ၁၉၈၄ ခုနှစ်တွင် အုပ်ရေ ၂၁၀၀၀ ထွက်ရှိခဲ့ပြီး ၁၉၈၂ ခုနှစ်၊ စာပေဗိမာန် စာမှုဆု ဘာသာပြန်စာပေ၊ ပထမဆုရရှိထားတဲ့စာအုပ်ကောင်းတစ်အုပ်ပါ။ ဒီစာအုပ်ထဲတွင်သဘာ၀ပတ်ဝန်း ကျင်ဆိုင်ရာ အကြောင်းအရာအမျိုးစုံ ၊ ညစ်ညမ်းမှုထိန်းချုပ်ရေးနဲ့အနာဂါတ် ၊ သောက်သုံးရေများအကြောင်း ၊ လေထဲမှ ရေဒီယိုသတ္တိကြွ နှင့် အခြားညစ်ညမ်းပစ္စည်းတွေအကြောင်း ၊ မီးခိုးနှင့် မော်တော်ယဉ်တွေအကြောင်း ၊ကျောက်မီးသွေး သုံးမီးဖိုများမှ မီးခိုးများကြောင့် အနီးပတ်ဝန်းကျင်ရှိ ဒေသခံများ ဘေးတွေ့ကြ ရပုံ စတဲ့သဘာ၀ပတ်ဝန်းကျင် ဆိုင်ရာ စိတ်ဝင်စား ဖွယ်အကြောင်း အရာတွေကို ဖတ်ရှု့ရမယ့် စာအုပ်ကောင်း တစ်အုပ်ပါ။ CAKE #greenness

(ပတ်ဝန်းကျင် စာအုပ်မိတ်ဆက် ) ဒီစာအုပ်လေးကတော့ ပဒေသာပင်ဘ၀တွေထဲမှထန်းတောင်သူတွေရဲ့ဘ၀အကြောင်းနဲ့အညာမြေရဲ့ထန်းအလှကို ရေးသားထားတဲ့စာအုပ်ကောင်းတစ်အုပ်‌ဖြစ်ပြီး ထန်းပင်တွေနဲ့ပတ်သက်တဲ့သတင်း၊ ဆောင်းပါး၊ ကဗျာစတဲ့ ခံစားမှုအစုံကို ဖတ်ရှုရမယ့်စာအုပ်တစ်အုပ်ဖြစ်ပါတယ်။ အမှာစာကို မြန်မာအစိမ်းရောင်ကွန်ရက်မှ ဒေါ်ဒေဝီသန့်စင်က ရေးသားထားပြီး ထန်းမိတ်ဆက်ကို စာရေးဆရာကြီးမောင်မောင်ဖြူ၊ စောနိုင်ဦး ၊ ကာတွန်းကြည်ဝင်းတို့က ရေးသားထားပါတယ်။ စာအုပ်ထဲမှာ ထန်းရဲ့အသုံးဝင်ပုံအမျိုးမျိုးကို ဓာတ်ပုံများနဲ့ ဝေဝေဆာဆာဖော်ပြထားပြီး ၂၀၁၇ ခုနှစ် ဇွန်လက တန်ဖိုး ၂၅၀၀ ကျပ်နဲ့ စိမ်းရောင်စိုစာပေက ထုတ်ဝေခဲ့တာဖြစ်ပါတယ်။ စာအုပ်ကို ဆိုင်တွေမှာ ဝယ်ယူရရှိဖို့ မသေချာပါဘူး ။ Greenness အနေနဲ့ ဗဟုသုတအနေ ဖြင့် ဖော်ပြရခြင်း ဖြစ်ပါတယ် ။ CAKE #greenness

The Uninhabitable Earth by David Wallace-Wells ဒေဗစ်ဝေါ်လေ့စ်ဝဲလ် ဆိုတဲ့ နယူယောက်တိုင်းက လက်ထောက် အယ်ဒီတာက ၂၀၁၇ မှာ The Uninhabitable Earth ဆိုတဲ့ စာအုပ်ကို ထုတ်တယ်။ ကမ္ဘာကြီးပူနွေးလာမှုနဲ့ လူတွေခံစားနေရတဲ့ ဒုက္ခတွေကို တုတ်ထိုးအိုးပေါက်ရေးတယ်။ နောက်ဆိုရင် ဘာတွေဖြစ်လာမယ်ဆိုတာကို ပြောတယ်။ စာအုပ်ထွက်ပြီး မကြာမီမှာပဲ သူ့ရဲ့ ကြိုတင်ဟောပြောချက်တွေကို သိပ္ပံပညာရှင်တွေ က ဝိုင်းဝေဖန်တော့တာပါပဲ။ သဘာဝပတ်ဝန်းကျင်ထိန်းသိမ်းရေး နဲ့ ပတ်သက်ပြီး နီးစပ်တဲ့ စာတွေ မရေးခဲ့တဲ့ ဂျာနယ်လစ်တစ်ယောက် ၊ နောက်ပြီး တော့ တက္ကသိုလ်က သမိုင်း နဲ့ ဘွဲ့ရလာတဲ့ သူတစ်ယောက်က ကမ္ဘာ့ရာသီပြောင်းလဲမှု နဲ့ ပတ်သက်ပြီး ရေးတယ်ဆိုတော့ လူပြောသူပြော များခဲ့တာလည်း ဖြစ်မှာပါ။ […]

အခုမိတ်ဆက်ပေးမယ့် စာအုပ်လေးကတော့ ‘ကမ္ဘာမြေချစ်သူ ဆရာကြီးဦးအုန်း’ ဆိုတဲ့စာအုပ်လေးပါ။ စိမ်းရောင်စို စာပေကနေ ၂၀၁၉ ခုနှစ် ဩဂုတ်လက ထုတ်ဝေလိုက်တာ ဖြစ်ပါတယ်။ ကွယ်လွန်သွားပြီဖြစ်တဲ့ သစ်တောပညာရှင် ဦးအုန်းရဲ့အကြောင်း၊ ကမ္ဘာမြေချစ်သူအကြောင်းတွေ စုံစုံလင်လင်နဲ့ သစ်တောပညာရှင် ဦးအုန်း ရေးသားပြုစုခဲ့တဲ့ ဆောင်းပါးနဲ့ သုတေသန စာတမ်းတွေကို ထည့်သွင်း ဖော်ပြထားပါတယ်။ ဝယ်ယူဖတ်ရှုလေ့လာသင့်တဲ့ စာအုပ်ကောင်းတစ်အုပ်လို့ ကျွန်တော်တို့ကတော့ မှတ်ချက်ပြုချင်ပါတယ်။ တန်ဖိုး- ၃၀၀၀ ကျပ် စိမ်းရောင်စိုစာပေ အမှတ် ၁၅၉(က)၊ ရွှေတိဂုံဘုရားလမ်း၊ ဘုရားကြီးရပ်ကွက်၊ ဒဂုံစာတိုက်၊ ဒဂုံမြို့နယ်၊ ရန်ကုန်မြို့။

ပတ်ဝန်းကျင်ဆိုင်ရာ စာအုပ်မိတ်ဆက်(နိုင်ငံတကာ) Draw Down : The Most Comprehensive Plan Ever Proposed to Reverse Global Warming ပေါ်လ်ဟော့ကန် ( ၇၅နှစ်)ဆိုတာ အမေရိကန်လူမျိုး သဘာဝပတ်ဝန်းကျင်ထိန်းသိမ်းရေးသမား ၊ စာရေးဆရာ ၊ စီပွားရေးလုပ်ငန်းရှင် ၊ လှုံ့ဆော်ရေးသမားတစ်ယောက် ဖြစ်ပါတယ်။ ဆန်ဖရန်စစ္စကိုမှာနေပါတယ်။ Draw Down ကို ၂၀၁၇ တုန်းက ထုတ်ခဲ့တာပါ။ ကမ္ဘာကြီးပူနွေးလာမှုကို တားဆီးပေးနိုင်မယ့် အကျိုးရှိတဲ့ဖြေရှင်းချက် ၁၀၀ ကို စုစည်းပြီးဖော်ပြထားတဲ့ စာအုပ်ပါ။ အဲ့ဒိစာအုပ်ထဲမှာ သိပ္ပံပညာရှင်တွေ ပြောတဲ့ ပြောစကားတွေကို နိုင်ငံရေးသမားတွေ ၊ အစိုးရ တွေ ၊ လွှတ်တော်အမတ်တွေ နဲ့ အရပ်သားတွေ ကို နားလည် […]

Half-Earth: Our Planets Fight for Life ( Edward O. Wilson) အီးအိုဝယ်ဆင် ဆိုတဲ့ စာရေးဆရာက တကယ့်သဘာဝဓမ္မ ဝါဒီသမားတစ်ယောက်ဖြစ်ပါတယ်။ ကမ္ဘာ့ အကျော်ကြားဆုံး သဘာဝပတ်ဝန်းကျင်ထိန်းသိမ်းရေးအတွက် စာပေရေးသားနေတဲ့ စာရေးဆရာတွေထဲက တစ်ဦးဖြစ်ပါတယ်။ ပူလစ်ဇာဆု ၂ကြိမ်ရထားပြီး ဓမ္မဓိဌာန်ကျတဲ့ သဘောတရားတွေ အယူအဆတွေကို တင်ပြတဲ့ သူတစ်ဦးလည်း ဖြစ်ပါတယ်။ ဇီဝစက်ဝန်းပျက်နေတဲ့ ကမ္ဘာရယ် ၊ လူသားတွေရဲ့ အခြေခံလိုအပ်ချက်ရယ် ၊ စက်မှုနိုင်ငံတွေရဲ့ စီးပွားရေးဖွံ့ဖြိုးတိုးမှုရယ် ၊ နိုင်ငံရေးဩဇာတည်ဆောက်မှုရယ် ဆိုတဲ့ ညှိမရတဲ့ ပြောင်းလဲမှုဖြစ်စဉ်တွေပေါ်မှာ အခြေခံကျကျ သုံးသပ်ချက်တွေ၊ ကျိုးကြောင်းဆီလျှော်တဲ့ လုပ်ငန်းစဉ်တွေကို ရေးသားဖော်ပြ နေတဲ့သူပဲဖြစ်ပါတယ်။ ကျနော်တို့ကိုယ်တိုင် ဇီဝမျိုးကွဲတွေကို အစုလိုက်အပြုံလိုက် မျိုးသုဉ်းပစ်နေတာကို ရှောင်ရှားဖို့ နည်းလမ်းတွေ ၊ […]

၂၀၂၀ မှာ ရာသီဥတုပြောင်းလဲမှု ဇာတ်လမ်းတစ်ပုဒ် ရှိခဲ့ပါတယ်။ ကမ္ဘာအပူချိန် မြင့်တက်လာတယ်။ ဆိုးဝါးတဲ့ သက်ရောက်မှုတွေ ကို နေရာတိုင်း မှာ ခံစားနေရပါတယ်။ ရာသီဥတုပြင်းထန်လွန်းခြင်းက သဘာဝဘေးအန္တရာယ် ဖြစ်လာပါတယ်။ ရာသီဥတုပြောင်းလဲမှုကြောင့် ဖြစ်ပေါ်လာတဲ့ အကျိုးဆက်တွေကို သိပ္ပံပညာရှင်တွေက ချက်နဲ့ လက်နဲ့ ဖော်ထုတ်ပြနေပါတယ်။ လူနည်းစုနဲ့တင်မကဘူး လူအများစု သိအောင် သတင်းအချင်အလက်တွေကို ရေးသားဖော်ထုတ်ပေးတဲ့ စာအုပ်တွေရှိနေပါတယ်။ အဲ့ဒိစာအုပ်တွေထဲက အချို့ကို ဖတ်ညွှန်းအနေနဲ့ ဖော်ပြပေးတာပါ။ အရိုးသားဆုံးပြောရရင် စာရေးသူကိုယ်တိုင် လိုင်းပေါ်တင်ထားတဲ့ အမြည်းတွေကိုပဲ ဖတ်ဖူးသေးတာပါ။ Being the Change: Live Well and Start a Climate Revolution by Peter Kalmus ပီတာကဲလ်မက်စ် ( ၄၇ နှစ် […]