ဘီလီယံ ၂၀ သုံးပြီး ပင်လယ်ရေမြှင့်တက်လာမှုကို ကာကွယ်မယ့် နယူးယောက်ခ်က အာဏာပိုင်တွေ
လွန်ခဲ့တဲ့ နှစ်အနည်းတုန်းက ဆန်ဒီမုန်တိုင်းဝင်တဲ့ အချိန်မှာ နယူယောက်မန်ဟန်တန် မြေနိမ့်ပိုင်းဒေသတွေမှာ ရေလွှမ်းမိုးမှုတွေ ဖြစ်ခဲ့လို့ လူ ၂သိန်းနီးပါး ဒုက္ခခံစားလိုက်ရပါတယ်။ နယူယောက်ခ် အာဏါပိုင်တွေက အဲ့ဒိကတည်းက ရာသီဥတုဖောက်ပြန်ပြီး ပင်လယ်ရေတွေ မြို့ထဲကို ဝင်လာရင် ကာကွယ်ဖို့ နည်းလမ်းတွေ စဉ်းစားခဲ့ကြပါတယ်။ သေချာတာက ကမ္ဘာကြီးပူနွေလာလို့ ပင်လယ်ရေမြှင့်တက်လာရင် နယူးယောက်ခ်ရဲ့ မြေနိမ့်ပိုင်းဒေသတွေ ပင်လယ်ရေအောက်ရောက်သွားမှာ ဖြစ်ပြီး မြို့ရဲ့ လူဦးရေ ၅သိန်းနီးပါးလောက် ဒုက္ခရောက်ဖွယ်ရာ ရှိနေတယ်လို့ တွက်ချက်ထားကြပါတယ်။ ဒါကြောင့် ပင်လယ်ရေတွေ ဝင်လာနိုင်တဲ့ မြေနိမ့်ပိုင်းဒေသတွေမျာ ရေတားနံရံတွေ ဆောက်ဖို့နဲ့ ရေထိန်းတံခါးတွေ ဆောက်ဖို့အတွက် စီစဉ်ခဲ့ကြပါတယ်။ ဆောက်လုပ်ရေး ကုမ္ပဏီတွေနဲ့ အာဏါပိုင်တွေ ဆွေးနွေးပြီးနောက်မှာတော့ အဲ့ဒိဆောက်လုပ်ရေး လုပ်ငန်း တွေ အတွက် ကန်ဒေါ်လာ ဘီလီယံ ၂၀ သုံးဖို့အတွက် […]
