ဒိန်းမတ်နိုင်ငံတောင်ပိုင်း က တက္ကသိုလ်တစ်ခု က ပြုလုပ်တဲ့ စစ်တမ်းအရ တစ်ကမ္ဘာလုံးမှာ နယ်သာလန် နိုင်ငံသားတွေ လိုမျိုး စက်ဘီးစီးကြမယ်ဆို တစ်နှစ်ကို ကာဗွန်တန်ချိန် သန်း၇၀၀ လျှော့ချနိုင်မယ်လို့ သိရပါတယ်။ အဲ့ဒိစစ်တမ်းအကြောင်းကို ဩဂုတ် ၂၀ ရက်ကထွက်တဲ့ Communications Earth & Environment ဂျာနယ်မှာ အသေးစိတ်ဖော်ပြပါရှိပါတယ်။ ဒက်ချ်လူမျိုးတစ်ယောက်စီက တစ်နေ့ကို အနည်းဆုံး ၂.၆ ကီလိမီတာ စက်ဘီးစီးကြပါတယ်။ ကမ္ဘာကြီးတစ်ခုလုံး အဲ့လိုမျိုးစက်ဘီးကို အဓိကထားပြီး စီးမယ်ဆိုရင် ကမ္ဘာ့လေထုထဲက နေ တစ်နှစ်ကို ကာဗွန်တန်ချိန် ၆၈၆ သန်း လျှော့ချနိုင်မယ်လို့ သူတို့ရဲ့စစ်တမ်းက ဆိုပါတယ်။ သယ်ယူပို့ဆောင်ရေးကြောင့် ကာဗွန်ထုတ်လွှတ်မှု များတဲ့ ယူကေ ၊ ကနေဒါ၊ ဆော်ဒီအာရေဗီးယား နဲ့ သြစတေးလျှတို့မှာ အဲ့ဒိအလေ့အထဖွံ့ဖြိုးသွားပါက […]

ဩစတေးလျက သုတေသနပညာရှင် တစ်စုက အမြီးတိုဇင်ယော်တွေလို ပင်လယ်ပျော်ငှက်တွေကို လေ့လာရင် လူသူမနီးတဲ့ ကျွန်းတွေမှာ တောမီးကြောင့် ပင်လယ်ပျော်ငှက်တွေအသိုက်ပျက်ပြီး အကြီးအကျယ် ဒုက္ခ ရောက်ရတယ်လို့ ဆိုလာပါတယ်။ လူသူအရောက်အပေါက်နည်းတဲ့ ကျွန်းတွေမှာ မိုးကြိုးပစ်လို့ သစ်ပင်တွေ မီးလောင်ရင်းက တောမီး လောင်ကျွမ်းမှုတွေ ဖြစ်ခဲ့ပါတယ်။ ပိုဆိုးတာက ကမ္ဘာကြီး ပူနွေးလာမှုနဲ့ အတူ မိုးခေါင်ရေရှား ဖြစ်လာတဲ့ အတွက် ကျွန်းနေတိရစ္ဆာန်တွေမှာ အခက်အခဲတွေ အများကြီး ဖြစ်ခဲ့ရပါတယ်။ တောမီးနဲ့ ပတ်သက်ပြီး တောတွင်းသားတွေကိုင်တယ်ဖြေရှင်း နိုင်ရင်အများကြီးအကျိုးရှိနိုင်မယ်လို့လည်း သူတို့ အဖွဲ့ က အစိုးရကို အကြံပြုထားပါတယ်။ မနှစ်ကဆိုရင် ပစ္စိဖိတ် သမုဒ္ဒရာအတွင်းက သြစတေးလျှပိုင် ကျွန်း ၈ကျွန်း မိုးကြိုးပစ်လို့ တောမီးလောင် ခဲ့ပါတယ်။ အဲ့ဒိကျွန်းတွေက လူသူမနီးတဲ့အတွက် ဘယ်သူမှ မီးမငြိမ်းသက်ပေးနိုင်ခဲ့ပါဘူး […]

အမေရိကားမှာ အစိမ်းရောင်တော်လှန်ရေးလုပ်ဖို့အတွက် ရာသီဥတုထိန်းသိမ်းရေးဆိုင်ရာ ဥပဒေကြမ်းကို မနေ့က ဆီနိတ်အဖွဲ့ က အတည်ပြုပေးလိုက်ပါတယ်။ အဲ့ဒိဥပဒေထဲမှာ အိမ်းသုံးပစ္စည်းတွေအားလုံးနဲ့ ယာဉ်တွေအားလုံးကို ရုပ်ကြွင်းလောင်စာ အစား လျှပ်စစ်ပစ္စည်းတွေနဲ့ အစားထိုးမှာ ပါပါတယ်။ လောင်စာသုံး အင်ဂျင်တွေ အားလုံးနေရာမှာ လျှပ်စစ်စွမ်းအင်သုံး အင်ဂျင်တွေ အစားထိုးပြီး ကာဗွန် လျှော့ချရေး လုပ်ငန်းအတွက် ပထမအဆင့်အနေနဲ့ စတင်လိုက်တာပဲ ဖြစ်ပါတယ်။ အဲ့ဒိဥပဒေက လျှပ်စစ်ကားတွေကို ရောင်းအားတက်လာဖို့ ဖြစ်လာသလို ဆိုလာပြားတွေ ရောင်းအားက ထင်ထားတာ ထက်ပိုပြီး ဈေးကွက်မှာ အရောင်းတက်လာပါတယ်။ ဘတ်ထရီသုံး နည်းပညာတွေကလည်း မထင်မှတ်လောက်အောင်ကို အလုပ်ဖြစ်လာပါတယ်။ ရေတင်ဖို့ ၊ အခန်းအပူပေးဖို့ ၊ အဲယားကွန်းသုံးဖို့ နဲ့ ချက်ပြုတ်ဖို့ အတွက် အဆင့်မြင့်နည်းပညာတွေ က မရှိမဖြစ် လိုအပ်လာပါပြီ ။ […]

အတ္တလန်တစ်သမုဒ္ဒယာထဲကနေ ဝင်လာတဲ့ အပူလှိုင်းကြောင့် ဥရောပတိုက်က စပိန် ၊ ပေါ်တူဂီနဲ့ ပြင်သစ်နိုင်ငံတွေမှာ တောမီးတွေ အကြီးအကျယ် လောင်နေခဲ့သလို အာဖရိမြောက်ပိုင်းက မော်ရိုကိုနိုင်ငံမှာလည်း တောမီးအကြီးအကျယ်လောင်နေခဲ့ပါတယ်။ အဲ့ဒိတောမီးကြောင့် မော်ရိုကို နိုင်ငံရဲ့ အထိမ်းအမှတ် တောရိုင်းကောင် တော်တော်များများ မီးထဲပါသွားပါတယ်။ မော်ရိုကိုမြောက်ပိုင်းက ဘူဟာချန်ဘေးမဲ့တောမှာ ဘာဘရီမာကာကေး မျောက်မျိုးနွယ်တစ်ခုလုံးနီးပါး မီးထဲ ပါသွားပါတယ်။ အဲ့ဒိတောရိုင်းတွေအတွက် ဘူဟာချန် ဘေမဲ့တောက နေရင်း ဒေသဖြစ်ပါတယ်။ အဲ့ဒိတောမီးက ကျေးရွာ ၁၅ ရွာကို ရွှေ့ပြောင်းပေးခဲ့ရတဲ့အပြင် မီးလောင်မှု မြန်တဲ့ အတွက် မွေးမြူရေး အကောင်တွေ ကိုလည်း မသယ်ဆောင် သွားနိုင်ခဲ့ပါဘူး။ ရစ်ဖ် တောင် တန်း တစ်ခုလုံးနီးပါး မီးထဲပါသွားတာပါ။ ပြီးခဲ့တဲ့လက မြေထဲပင်လယ် ဒေသပတ်ဝန်းကျင် ဒေသတစ်ခုလုံးနီးပါး နဲ့ […]

ပြီးခဲ့တဲ့ တနင်္ဂနွေ ဇူလိုင်( ၁၇ ) ရက်နေ့က အင်္ဂလန်ကို အပူလှိုင်း ဝင်ဖို့ တစ်ရက်အလိုနေ့ဖြစ်ပါတယ်။ ဂျော့ဂျ်အေမီတို့ မိသားစုရယ် သူငယ်ချင်းအပေါင်းအသင်းတွေစုပြီး အောက်စဖိုဒ့်က မီယာဒိုဆိပ်ကမ်းမြစ်ထဲမှာ ရေသွားကူးကြပါတယ်။ နေကျစ်ကျစ်တောက်ပူနေတဲ့အချိန်မှာ ရေစိမ်ကောင်းကောင်းနဲ့ စိမ်လိုက်ကြလို့ အားလုံး ဖျားနာကုန်ကြပါတယ်။ အေမီကိုယ်တိုင်လည်း အသည်းအသန်ဖြစ်လို့ ဆေးရုံမှာ ၂ရက်ကြာတက်ရောက်ကုသလိုက်ရပါတယ်။ ရေသွားကူးတဲ့ လူ ၁၃ ယောက်မှာ ၁၂ ယောက်ဖျားနာခဲ့ပါတယ်။ တနင်္လာနေ့မှာတော့ အင်္ဂလန်က အမြင့်ဆုံးအပူချိန် ၄၀ကျော်သွားခဲ့ပါတယ်။ အင်္ဂလန်မှာက ဝက်စ်ယောက်ရှိုင်းယားက ဝါဖီမြစ်နဲ့ အောက်စဖို့ဒ်က မီယာဒိုမှာ ရေးကူးလို့ရတဲ့ ရေချိုးဆိပ် ၂ခုရှိပါတယ်။ သဘာဝပတ်ဝန်းကျင်ထိန်းသိမ်းရေး အေဂျင်စီတွေက အဲ့ဒိသဘာဝအတိုင်းရေကူးလို့ရတဲ့ နေရာတွေမှာ ရေရဲ့ အရည်အသွေးနဲ့ ပတ်သက်ပြီး တာဝန်မယူထားပါဘူး ။ ကျန်းမာရေးကိုထိခိုက်နိုင်သလားအန္တရာယ်ဖြစ်စေနိုင်သလား ဆိုတဲ့ အာမခံချက်လုံးဝမပေးထားပါဘူး […]

ဒေဗစ်မီလာချ် တစ်ယောက် သက်တမ်းရင့်အပင်တွေကို ကလုန်း နည်းနဲ့ ပွားဖို့အတွက် မစ်ရှင်တစ်ခုဖြစ်အောင် ကြိုးစားနေပါတယ်။ သူက ကမ္ဘာပေါ်က သက်တမ်းအရင့်ဆုံး အပင်တွေ ၊ လုံးပတ်အကြီးဆုံးနဲ့ အမြင့်ဆုံး အပင်တွေကို ရှာပြီး ဆဲလ်တွေ တစ်ရူးတွေ လိုက်လံ စုဆောင်းနေပါတယ်။ သူက ” အခုကျနော် တစ်ရူးထုတ်ယူနေတဲ့ အပင်က သက်တမ်း ၁၀၀၀ ကျော်နေပါပြီ။ ယေရူ့ လမ်းလျှောက်တက်စအရွယ်မှာပေါက်ခဲ့တဲ့ အပင်ပေါ့ဗျာ ” လို့ ထင်ရူးပင်ကြီး တစ်ပင်ကို လက်ညိုးထိုးပြပြီး ပြောလိုက်ပါတယ်။ သူက ၁၉၉၄ လောက်က ကလုန်းသီအိုရီ နာမည်ထွက်ချိန်မှာ အန်ဂျီအို အဖွဲ့တစ်ဖွဲ့ ကို ထူထောင်ပြီး ဆီကိုရီးယားတို့ သစ်နီသားပင်တို့လို သက်တမ်းရင့် သစ်ပင်တွေကို ကလုန်းနည်းနဲ့ ပွားဖို့ အတွက် ကြိုးစားခဲ့ပါတယ်။ […]

လီနာရှင်ကိုးသီး ဆိုတဲ့ ဂျာမန်အမျိုးသမီးက သူမကိုယ်ကို စူပါဂလူးတွေ သုတ်ပြီး ဘာလင်မြို့ လူစည်ကားတဲ့ လမ်းပေါ်မှာ လှဲချပြီ ဆန္ဒပြ နေပါတယ်။ သူမက ဂျာမန် အစိုးရက ရာသီဥတုပြေင်းလဲမှုနဲ့ ပတ်သက်ပြီး နိုင်ငံတကာကိုပေးထားတဲ့ ကတိ ကဝတ်တွေ ဘာမှ မလုပ်ဆောင်တဲ့အတွက်ကြောင့် အခုလိုပဲ ဆန္ဒပြတာလို့ ဟစ်ကြွေး နေပါတယ်။ အသက် ၁၉ နှစ်အရွယ် မိန်းကလေးက အခုတော့ သူမရဲ့ နုပျိုခြင်း အချိန်တော်တော်များများကို ထောင်ထဲမှာ ဖြုန်းရတော့မှာပါ။ သူမက နောက်ဆုံးမျိုးဆက် အရေးအခင်း ဆိုပြီး လှုတ်ရှားနေတဲ့ အဖွဲ့ရဲ့အစိတ်အပိုင်း တစ်ခုဖြစ်ပါတယ်။ သူမတို့က ကမ္ဘာကြီး ပူနွေးလာမှုကြောင့် များမကြာမီအချိန်မှာ ကမ္ဘာကြီး ပျက်စီးသွားဖို့ ရှိနေရာ သူမတို့က ယနေ့ကမ္ဘာရဲ့ နောက်ဆုံးမျိုးဆက်ဖြစ်နေလို့ ရသလောက်ရုန်းကန်ကြမယ်ဆိုပြီး အခုလိုမျိုး […]

အမေရိကန်အခြေစိုက် ဒါမောင့်တက္ကသိုလ် ကပြုလုပ်တဲ့ သုတေသန စာတမ်းအရ စက်မှုဖွံ့ဖြိုးပြီး နိုင်ငံ ၅နိုင်ငံကြောင့် ဖြစ်တဲ့ သဘာဝဘေးအန္တရာယ် ကပ်ဆိုးတွေကနေ ပြန်လည် ကယ်ဆယ်ရေးလုပ်ငန်းတွေ လုပ်တာ ကန်ဒေါ်လာ သန်းပေါင်း ၆သန်းကျော် ကုန်ကျခဲ့ရတယ်လို့ သိရပါတယ်။ ကမ္ဘာ့လေထုထဲကို ဖန်လုံအိမ်ဓာတ်ငွေ့အမြောက်အများ ထုတ်လွှတ်တဲ့ နိုင်ငံတွေက ဆင်းရဲတဲ့နိုင်ငံတွေ သဘာ၀ ဘေးအန္တရာယ်တွေ ခံစားနေရတာနဲ့ ပတ်သက်ပြီး လစ်လျူမရှုအောင် သဘာ၀ ပတ်ဝန်းကျင်ထိန်းသိမ်းရေး လှုံ့ဆော်ရေးသမားတွေ နဲ့ အစိုးရအရာရှိ အချို့ က ဦးဆောင်ပြီး တိုက်တွန်းပြောဆိုမှုတွေ လုပ်နေရပါတယ်။ ရုပ်ကြွင်းလောင်စာတွေ သုံးပြီး ဖွံ့ဖြိုးနေတဲ့ နိုင်ငံတွေ အနေနဲ့ ဆင်းရဲတဲ့နိုင်ငံတွေကို ငွေကြေးအားဖြင့် ထောက်မကူညီသင့်တယ်လို့ လည်း သူတို့ က တိုက်တွန်းနေပါတယ်။ ဖန်လုံအိမ်ဓာတ်ငွေ့ အထုတ်လွှတ်ဆုံး အမေရိကန်နဲ့ တရုတ် […]