အုန်းသီးပြောင်ချော ၊ ပုံဖော်နှောက မျောက်ချောတစ်ကောင် ၊ သဏ္ဍာန်ဆောင်၍ ရ အောင်ဖိုးတန် ၊ ဝင်ငွေတိုး ။ ရွှံ့ကိုခူးခွါ ၊ ပြုလုပ်ရာတွင် လောက်စာ နွားရုပ် ၊ ပြောင်းပြီးလုပ်က ဆေးလှရောင်တင် ၊ များလိုချင် ။ သဘာဝကို ၊ လုပ်အားပို၍ အလိုရှိရာ ၊ ပုံဖော်ပါမူ သင့်ရာတန်ဖိုး ၊ အဆတိုး ။ သြော်- — – — လူပြည်လူ့ရွာ ၊ မှတ်သားကာဖြင့် ပညာထပ်တိုး ၊ ပြုလုပ်ပိုးလျှင် အကျိုးကောင်းလှ ၊ နေပျော်ရ သဘာဝက ၊ ပေးဝေငှ အားလုံးကိုယ်စီ လူတိုင်းရ ။ ။ ခေတ်သစ် (ကြွေပုဂံ) ဦးအောင်သင်း […]
ထန်းပင်ထန်းလက် ၊ ထန်းလျှော်ဆက်၍ ထန်းရွက်အမိုး ၊ ထန်းသားထိုးခံ အုတ်ရိုးအထက် ၊ လှေကားတက်နှင့် လိုက် ဖက်အလှ ၊ ရှုမဝ လာကြဧည့်သည် ၊ လွမ်းမောဖွယ် ။ ထန်းအိမ်ကိုဆောက် ၊ ထန်းပင်အောက်မှာ အရောက်ခိုနား ၊ လူအများတွက် ထူးခြားနေရာ ၊ အသေချာ ဝင်ကာသောက်ကြ ၊ ထန်းရည်ရ အေးမြစိတ်ထား ၊ ခရီသွား ။ ထန်းဥယျာဉ်တဲ ၊ အသည်းထဲမှာ စွဲမြဲရှိရာ ၊ ထိုနေရာ သာယာစိမ်းလန်း ၊ ပုဂံ လမ်းဝယ် စိတ်မှန်းတမ်းတ ၊ သတိရ နောက်ကြတဖန် ၊ ရောက်လိုပြန် ။ ။ ခေတ်သစ် (ကြွေပုဂံ) Photo- Credit […]
ကျောက်စရစ်ဖြုန်း၊ မြေနီကုန်းနှင့် ထွေးလုံးရစ်ချာ၊ ဘိုးတို့ယာ။ ဒဟတ် သန်း ရှား၊ သနပ်ခါးနှင့် ထွားထွားဖွံဖြိုး၊ ယာစည်းရိုးနှင့် တစ်မျိုးသာယာ ဘိုးတို့ယာ။ တဲငယ်ကုပ်ကုပ်၊ ထန်းပင်အုပ်နှင့် လိမ်ရှုပ်သောသော၊ ဆီးချဉ်တောနှင့် သာမောဖွယ်ရာ ဘိုးတို့ယာ။ ပုတတ် ဘီလုံး၊ ချိုး ခါ ငုံး နှင့် ခြကုန်း ဖွတ်တွင်း၊ ယုန်ဝပ်ကျင်းနှင့် ပျံ့ခင်းသာယာ ဘိုးတို့ယာ။ နွားပြာနွားညို၊ မတမ်းပျိုနှင့် ဦးချိုကောက်ကောက်၊ စာဥပြောက်နှင့် ချိန်မြှောက်နှင်တံ၊ ကြိမ်းမောင်းသံတို့ လွင့်ပျံခဲ့တာ ဘိုးတို့ယာ။ ယခုအခါ၊ ဘိုးတို့ယာတွင် ကွက်စိပ်မြေကွင်း၊ အိမ်ရာခင်းလို့ အိမ်ဝင်းပြန့်ညီ၊ စီရရီနှင့် ကိုယ်စီကိုယ်င၊ နေထိုင်ကြသည် ရှေးကနေရာ၊ ဘိုးတို့ယာကို လွမ်းကာမချိ၊ ပုံဖော်ကြည့်ကာ တမ်းမိရှေးခါ သည်မြေယာ..။ နွမ်းရိဆွေးကာ မဖြေသာ…။ နောင်နောင်(နံ့သာမြေ)
Artist U Min Maw
ကာတွန်း-ဏဲယောင်
ပုဂ္ဂလိကသစ်တောစိုက်ခင်းများစိုက်ပျိုးလုပ်ကိုင်နေသူ မိတ်ဆွေတစ်ယောက်၏ ဖိတ်ခေါ်မှုဖြင့် ကျွန်တော် ပဲခူးရိုးမဖြတ်လမ်းပေါ်ရှိပုဂ္ဂလိကကျွန်းစိုက်ခင်းတွေဆီကို အလည်အပါတ်သွားရောက်ခဲ့ပါသည်။တောင်ငူအုတ်တွင်း ဘက်မှ တက်ရောက်ခဲ့ခြင်းဖြစ်ပြီး ခပေါင်းကြိုးပြင်ကာကွယ်တောကို ယခင်ကရောက်ခ့ဲဘူးသည်မှာ အနှစ်၂၀ ကျော်ကြာသွားပြီလည်းဖြစ် ပါသည်။ ပဲခူးရိုးမသည် မြန်မာ့ကျွန်းသစ်ရတနာ၏မှုရင်းဒေသလည်းဖြစ် တောင်ကုန်းတောင်စောင်းထူထပ်ပေါများ သော်လည်း အတန်အသင့် ပြေပြစ်မှုရှိပြီး အရှေ့ဘက်နှင့်အနောက်ဘက်တို့တွင် အလြယ္တကူဆက္သြယ္သြားလာ နိုင်သော မြို့ရွာများ ရှိနေခြင်းကြောင့်လည်း သစ်ထုတ်လုပ်ငန်းအတွက် အထင်ကရနေရာများဖြစ်ခဲ့ဘူးပါသည်။ ကျွန်တော် လူငယ္ဘဝ တောခေါင်းဖြစ်စမှာတော့ ပဲခူးရိုးမက စိတ်ဝင်စားစရာ စိတ်ကူးယဉ်စရာများနှင့် ထူးခြားစွဲမက်နေခဲ့ဘူးသည်။ အစိမ်းရင့်ရင့်ညို့မှိုင်းမှိုင်း နိမ့်မြင့်တက်ဆင်းများနှင့်မျက်စေ့တစ်ဆုံးတောအုပ်ကြီးရဲ့အပေါ်က ခရမ်းနုရောင်သန်းနေသည့်မြူပြာပြာများ၊ သွယ်လျရစ်ခွေပြေပြေငြိမ့်ငြိမ့်လေးစီးဆင်းနေသည့် ခပေါင်းချောင်း၊ဘုတ လင်ချောင်း အခေါက်ဖြူဖြူ ရွက်စိမ်းရင့်ရင့်ဖားဖားနှင့် ကျွန်းပင်မြင့်ကြီးများကြား သတ်ပင်၊ချန်ပင်တိုင်းရင်း ဆင်းလိုက်တက်လိုက် အော်လိုက်ဟစ်လိုက် စနောက်လိုက်နှင့်သူငယ်ချင်းတောအုပ်တောခေါင်းများ အမြင်အာရုံတွေက ကိုယ့်ရှေ့မှောက်တကယ်ပဲပြန်ရောက်လာသလို ကြားယောင် မြင်ယောင်နေမိပြန်သည်။ အဲဒီအချိန်တုန်းက ကျွန်းပင်ကို ရင်စို့လုံးပါတ် ၇ ပေ […]
ရှမ်းပြည်နယ်၊ ရွာငံမြို့နယ်၊ မြို့ကြီးရွာနဲ့၊ မန္တလေးတိုင်း၊ ကျောက်ဆည်ခရိုင်၊ ကင်းရွာအစပ်မှာရှိပါတယ်။ မန္တလေးတိုင်းနဲ့ ရှမ်းပြည် အစပ်မှာရှိတဲ့ ဆင်ခေါင်းတောင်ဟာ အင်မတန်လှပတဲ့ သဘာဝအလှတရားတစ်ခုဖြစ်ပြီး တောင်ရဲ့အနီးကနေ ဇော်ဂျီမြစ်ကလည်း ဖြတ်သန်းစီးဆင်းနေတာကြောင့် သဘာဝတရားကဖန်ဆင်းပေးထားတဲ့အလှတရားဟာ ပိုမိုပြည့်စုံတဲ့သဘာဝပန်းချီကားတစ်ချပ်လိုဖြစ်နေပါတယ်။ ဟံမြင့်မိုရ်မှ ရွာငံ၊ ပင်းတယသွား လမ်းပေါ်မှာ တည်ရှိပါတယ်။ Photo:Original Photographer
ဤဓာတ်များကို ရိုက်ကူးသူ ဓာတ်ပုံဆရာများအား လေးစားစွာဖြင့် ဖော်ပြအပ်ပါသည်။
နံရိုးတွေနဲ့ ကာရန်ထားတဲ့ နှလုံးသည်းပွတ် ရေပြင်ကျယ်ကျယ်နဲ့ တောင်တန်းတွေဟာ လိုက်ဖက်စုံတွဲ လေပေါ်မှာ ဝမ်းစာရှာသူ ဇင်ယော်ငှက်များ ရေပေါ်မှာ ဝမ်းစာရှာသူ အင်းသူ အင်းသားများ သဘာဝကို စားသုံးသူ ခရီးသွားများ အားလုံးဟာ မိခင်နို့ရည်ကို ဝဝလင်လင် သောက်သုံးခွင့်ရကြတယ် အင်းလေးတဲ့ မိသားစုဓာတ်ပုံ တစ်ပုံဟာ ဧည့်ခန်းမှာ ဂုဏ်တင့်တယ်။ အယ်လ်သင် photo-crd
(၁) ရွှေလက်က မြစ်ဝကျွန်းပေါ်ဒေသမြစ်၊ချောင်းများကြားတွင် တည်ရှိသည့် ကျေးရွာကလေးတစ်ရွာ၌ မွေးဖွားခဲ့သော်လည်းပင်လယ်နှင့် အနေမနီးခဲ့ပေ။ လပွတ္တာမြို့နယ်အတွင်းရှိပင် လယ်နှင့်နီးသောကျေးရွာများတွင် ဆွေမျိုးများရှိသော်လည်းတစ်ခါမှ မရောက်ခဲ့ဖူးပေ။ ထိုဒေသမှ ဆွေမျိုးများရွှေလက်တို့ ရွာသို့ အလည်လာပြီးအပြန်တွင် ပင်လယ်ဘက်သို့ အလည်လိုက်ခဲ့ ရန် ခေါ်ကြပါသည်။ သို့သော် မိခင်ကြီး၏ စိုးရိမ်ပူပန်မှုကြောင့် ပင်လယ်သို့ လိုက်ခွင့်မသာခဲ့ချေ။ လွန်ခဲ့သည့် တစ်နှစ်ကျော်ကာလ က တပ်မတော်(ရေ) ပင်လယ်ပြင် စစ်ရေးလေ့ကျင့်မှုနှင့် ပတ်သက် ပြီးသတင်းယူရန်အတွက် ကိုကိုး ကျွန်းသို့ သွားရောက်ခဲ့ရသည်။ ထိုအခါမှ ရွှေလက်တစ်ယောက် ပထမဆုံးအကြိမ် ပင်လယ်ကို မြင်ခွင့်ရခဲ့သည်။ ကိုကိုးကျွန်းသို့ ရောက်ရန် ပင်လယ်ပြင်ကိုလေယာဉ်ဖြင့် ဖြတ်ခဲ့ရသည်။ ကိုကိုး ကျွန်းပေါ်တွင် ပင်လယ်လှိုင်းရိုက် သံများကိုနားဆင်ကာတစ်ညအိပ်ခဲ့ရသည်။ ကိုကိုးကျွန်းမှတစ် ဆင့် တပ်မတော်စစ်ရေယာဉ်များ ဖြင့် ပင်လယ်ကိုဖြတ်ကာစစ်ရေးလေ့ကျင့်မှုကိုဓာတ်ပုံရိုက် သတင်းယူခဲ့ရသည်။ ရွှေလက်သည် […]
