အိုင်ယာလန်အစိုးရက COP 26 ညီလာခံမှာ ကိုယ့်အိုးနဲ့ ကိုယ့်ဆန် တန်အောင် ကတိမပေးဘဲ တွေ့ကရာတွေ လက်မှတ်ထိုးလိုက်လို့ ဆိုပြီး အိုင်ယာလန်လယ်သမားအဖွဲ့ချုပ် ( IFA )က မြို့တော်ဒက်ပလင် ဆီကို လယ်ထွန်စက်တွေ မောင်း ပြီး စီတန်းလှည့်လည် ဆန္ဒပြခဲ့ကြပါတယ်။   လယ်ထွန်စက်အစီး ၁၀၀ ကျော်ပါဝင်တဲ့ ယာဉ်တန်းကြီးက မြို့တော်က အစိုးရရုံးတွေရှိတဲ့ မာရီရွန် စကွဲယား မှာ ရပ်နားပြီး ဆန္ဒပြခဲ့ကြပါတယ်။   အိုင်ယာလန်နိုင်ငံရဲ့ လယ်ယာလုပ်ငန်းတွေက နေထွက်နေတဲ့ ကာဗွန်ဒိုင်အောက်ဆိုက်နဲ့ မွေးမြူရေးလုပ်ငန်းတွေ ကနေထွက်ရှိနေတဲ့ မီသိန်းဓာတ်ငွေ့တွေကို ၂၀၃၀ မတိုင်မီ ၃၀ % အထိ လျှော့ချပေးမယ် ဆိုတဲ့ ကတိစကားကို အိုင်ယာလန် အစိုးရကိုယ်စားလှယ်တွေက ဂလက်စကိုညီလာခံမှာ လက်မှတ်ထိုးခဲ့ပါတယ်။   […]

COP ၂၆ ညီလာခံ မှာ သမိုင်းဝင် သဘောတူညီချက်တစ်ခုဖြစ်တဲ့ ကျောက်မီးသွေး သုံးစွဲမှု ပိတ်သိမ်းရေးကိစ္စနဲ့ ပတ်သက်ပြီး အကြီး အကျယ် ဆန့်ကျင်ခဲ့တဲ့နိုင်ငံတွေထဲမှာ တရုတ်နဲ့ အိန္ဒိယ က ထိပ်ဆုံးက ပါခဲ့ပါတယ်။ သူတို့က ကျောက်မီးသွေးသုံးစွဲမှု နဲ့ ပတ်သက်ပြီး နည်းမျိုးစုံ ကာကွယ်ခဲ့ပါတယ်။ ညီလာခံ ပြီးဆုံးဖို့ နောက်ဆုံးနေ့ ၊ နောက်ဆုံး နာရီ ၊ နောက်ဆုံးမိနစ်ကျမှ ကျော်မီးသွေးကို လျှော့သုံးမယ် ဆိုတဲ့ သဘောတူညီချက် ကို အိန္ဒိယနိုင်ငံက လက်မှတ်ထိုးပေးလိုက်တာပါ။ ကျောက်မီးသွေး သုံးစွဲမှုက ကမ္ဘာလေထုထဲကို ကာဗွန်ဒိုင်အောက်ဆိုက်တွေ ထုတ်လွှတ်တဲ့ အဓိကကျတဲ့ ဖြစ်စဉ်တစ်ရပ်ဖြစ်ပါတယ်။ အိန္ဒိယနဲ့ တရုတ် ၂နိုင်ငံပေါင်းပြီး ကျောက်မီးသွေးထုတ်လုပ်မှု ပမာဏက တရက်ကို တန်ချိန် ၁၄ သန်းရှိပါတယ်။ […]

COP 26 ညီလာခံကို တက်ရောက်ခဲ့တဲ့ ဂျပန်ဝန်ကြီးချုပ်သစ် ကီရှီဒါက လာမယ့် ၅နှစ်အတွင်းမှာ အာရှတိုက် ကာဗွန်လျှော့ချရေး အစီအစဉ်အတွက် ကန်ဒေါ်လာ သန်းပေါင်း ၁ သောင်း ကို အသုံးပြု မယ်လို့ ကတိကဝတ်ပြုခဲ့ပါတယ်။ ညီလာခံမှာ ကီရှီဒါက ဂျပန်နိုင်င့အနေနဲ့ ဖန်လုံအိမ်ဓာတ်ငွေ့ ထုတ်လွှတ်မှုတွေကို ၂၀၁၃ ခုနှစ်ကို အခြေခံနှစ်အဖြစ်ထားပြီး လျှော့ချမှုတွေကိုစလုပ်မယ်လို့ ဆိုပါတယ် ။ ဒါ့အပြင် ၂၀၃၀ မှာ ဂျပန်နိုင်ငံကနေ ထုတ်လွှင့်မယ့် ဖန်လုံအိမ်ဓာတ်ငွေ့ကို တစ်ဝက်လျှော့ပေးနိုင်အောင်လို့ လုပ်ပေးပါမယ်ဆိုပြီး ကတိပေးခဲ့ပါတယ်။ ၂၀၅၀ မှာတော့ ကာဗွန်သုည အဆင့်ဖြစ်အောင် လုပ်ပေးပါမယ်လည်း ဆိုပါတယ်။ သဘာ၀ ပတ်ဝန်းကျင်ထိန်းသိမ်းရေလုပ်ငန်းတွေနဲ့ ပတ်သက်ပြီး ပြည်တွင်း ပုဂ္ဂလိဂ္ဂ နဲ့ ပြည်သူ့ပိုင် တီထွင်မှုတွေ ၊ သုတေသနတွေ […]

ဂလက်စကိုမှာ ကျင်းပခဲ့တဲ့ ကမ္ဘာ့နိုင်ငံ ၂၀၀ က ကိုယ်စားလှယ်တွေ တက်ရောက်တဲ့ သမိုင်းဝင် COP26 ရာသီဥတုဖောက်ပြန်မှု ကာကွယ်ရေး ညီလာခံ ကတော့ ပြီးဆုံးသွားခဲ့ပါပြီ ။ ညီလာခံမှာ သမိုင်းမှတ်တိုင် တစ်ရပ်အနေနဲ့ ရေးထိုးနိုင်ဖို့ လုပ်ခဲ့ကြတဲ့အလုပ်တွေထဲမှာ အရေးကြီးတဲ့ အချက်တစ်ချက်ဖြစ်တဲ့ ကျောက်မီးသွေး သုံးစွဲမှု ရပ်တန့်နိုင်ရေးကို ဝိုင်းဝန်ကြိုးပမ်း အကောင်အထည်ဖော်တဲ့ နေရာမှာ အိန္ဒိယနိုင်ငံက နောက်ဆုံးမိနစ် ရောက်မှ ကျောက်မီးသွေး သုံးစွဲမှု ရပ်တန့်ရေး အစား လျှော့ချရေး အဖြစ်ဈေးဆစ် သဘောတူညီ လက်မှတ်ရေးထိုးလိုက်လို့ ညီလာခံ ရည်မှန်းချက်ပြည့်မီသွားကာ အောင်မြင်စွာ ပြီးဆုံးနိုင်ခဲ့ပါတယ်။ ကျော်မီးသွေးသုံး စက်ရုံ ၊ အလုပ်ရုံတွေနဲ့ ဓာတ်အားပေးလုပ်ငန်း တွေကို ရပ်တန့်ပေးဖို့ အတွက် တောင်းဆိုထားတာကို လျှော့ချဖို့အတွက် ဈေးဆစ်ကြရင် နောက်ဆုံး […]