ကားပေါ်ကဆင်းလိုက်တာနဲ့ သူ့အထိအတွေ့က အေးခနဲ။ အနွေးထည်ဝတ်ထားပေမယ့် ခြေဖျားလက်ဖျား နှာသီးဖျား နားဖျားလေးတွေ ရေခဲမတတ်။ နှင်းဖုံးနေတဲ့သူ့အကြည့်က ရင်ဘတ်ထဲ ကျဉ်ခနဲ။ နံနက် လေးနာရီဆိုပေမယ့် မြို့ကလေးရဲ့ ဟောက်သံတွေ ပြင်းထန်နေတုန်း။ ကုန်းအမြင့်လေးတွေပေါ် လျှောက်တက်လိုက်တိုင်း ကြယ်တွေနဲ့ပိုနီးလာသလိုလို တစ်စုံတစ်ရာနဲ့ပိုဝေးကွာသွားလေသလား။ ကျွန်တော်လေ… ခိုက်ခိုက်တုန်နေတဲ့ ကြယ်အလင်းရောင်ကိုအားပြုလို့ သူ့ရင်ခွင်ထဲ တိတ်တိတ်ကလေး တိုးဝင်ခဲ့ပါတယ်။ ။ မိုးဟိန်းထက် November 24, 2014 Photo #CrdOrginalUploader

ခေါ်နူးဇုမ်က လှတယ် တစ်နေ့ ခေါ်နူးဇုမ်ဆီ ငါ သွားမယ် ။ အိပ်မက်နီနီတွေ အထပ်ထပ်ပွင့်နေတဲ့ အဲဒီတောင်တန်းတွေဆီ ငါ သွားမယ် ငါ သွားမယ်ဆိုပြီး ဘယ်တော့မှ ငါမရောက်တော့မယ့် အရပ်ဟာလည်း ခေါ်နူးဇုမ်ပဲ ခေါ်နူးဇုမ်ကို ငါ သွားမယ် ။ ငါ့အရပ်အမောင်းထက် ပေပေါင်းများစွာမြင့်တဲ့ ငါ့ရဲ့ တည်ရှိမှုကို အသိအမှတ်ပြုရကောင်းမှန်း မသိတဲ့ ခေါ်နူးဇုမ် သူ့ပေတံကြီးနဲ့ သူ့ကိုယ်သူပြန်တိုင်းပြီး ငါ့ကို သူ့အနားကပ်မရအောင်လုပ်ထားပြီး တိမ်တွေကို တိုးတိုးဖော်လုပ်ထားတဲ့ ခေါ်နူးဇုမ် ခေါ်နူးဇုမ်ကို ငါ သွားမယ် ။ ရောက်ဖို့ မလွယ်ကူတော့မှန်း သိပေမယ့် ငါ့အိပ်မက်တွေက အဆုပ်လိုက် အခိုင်လိုက် နီနီရဲရဲ ငါ ခေါ်နူးဇုမ်ကို သွားမယ် ။ ငါ့ ့ခရီးနဲ့ ငါ တိုးတိုးတိတ်တိတ်ပဲ […]

ဘဲငန်းတွေက ရေထဲကသူ့အရိပ်ကို အတောင်ပံတွေ ထဲ ဖြန့်ကြည့်လို့ တိမ်တွေရေသောက်ဆင်းတဲ့အခါ ကန်ရေပြင်ဟာ အ်ပာ ကမ်းစပ်မှာ ရေတိမ်နစ် မှော်ပင်တချို့ လေ အလာဆို လှိုင်းကြက်ခွပ် တေနရာမွာ သစ်ပင်စိမ်းစိမ်းတွေ ကိုင်းညွှတ် ငါးတစ်ကောင်တစ်လေ ထခုန်လိုက်တဲ့အခါ ကန်ရေပြင်ခမျာ လှုပ်ခတ် နေဝင်ချိန် အမှောင်ဆည်းဆာ မကြာခင်ရောက်လာခဲ့တယ်။ #သင်းရည်လွင် မြားနတ်မောင်၊ ၁၉၉၈ #Photo:MCN

ရွှေ့ပြောင်းပျံသန်းလာခဲ့ပြီ မိုင်ပေါင်းထောင်သောင်းချီ ရေခဲရာသီဆောင်းအစ ကမ္ဘာ့မြောက်ခြမ်းက ။ အိမ်ကသာလို့ ဧည့်သည်လာ မြန်မာနိုင်ငံပါ ကမ္ဘာလှည့်သူခရီးသွား ရေပျော်ငှက်လေးများ ။ ယာယီခိုနားအရောင်စုံ ဘဲရစ် ရေကြက်ဒုံ ဗွတ်ကလုံလေး လွန်လှပ ဟင်္သာငှက်စုံစွ ။ မိန်းမလှကျွန်း တောင်သမန် ပျူ နဲ့ အင်းလေးကန် မြစ်ဝမကျန် မိုးယွန်းကြီး က်က္စား အင်းတော်ကြီး ။ ခရီးသာလို့မာပါစေ ဆောင်းခိုငှက်လေးတွေ ကမ္ဘာမြေနဲ့ချိတ်ဆက်ထား စောင့်ရှောက်ကြစို့လား ။ #ဝင်းမင်းစိုး(မိတၳီလာ) အောက်တိုဘာ ၁၀ ရက်နေ့ ကမ္ဘာ့ဆောင်းခိုငှက်များနေ့သို့