ဆယ့်နှစ်လရာသီ စာပန်းချီ
ပန်းပင်လေးတွေ ချစ်တတ်သောသူတိုင်း အိမ်၏ကျက်သရေကို အလှဆင်ဖို့ အိမ်ရှေ့မှာ ပန်းအိုးလေးတွေ တည်ထားတတ်ကြသည်။ ပန်းပင် လေးတွေစိုက်ပျိုးပြီး ပန်းခင်းလေးတွေ ပြုလုပ်ထားတတ်ကြသည်။ ထိုသို့ ပန်းခင်းလေးတွေ ပြုလုပ်ထားခြင်းသည် လောကကို အလှဆင်ပေးခြင်း လည်းမည်၏။ သဘာဝပတ်ဝန်းကျင်ကို ထိန်းသိမ်းရာလည်း ရောက်လေ၏။ ပန်းပင်လေးတွေသည် သစ်ရိပ်ဝါးရိပ်ကြီးတို့ကဲ့သို့ အောက်ဆီဂျင် အများကြီးမပေးနိုင်သော်လည်း မိမိစွမ်းဆောင်နိုင်သည့် အင်အားဖြင့် လွင့်လာသော လေပြေလေညှင်းတွေကို မွှေးမြသွားအောင် နံသာရည်တို့ ဖြင့် ပက်ဖြန်းပေးတတ်လေသည်။ ဤကဲ့သို့ နံ့သာရည်များ ဖြန်းပက်ပေးတတ်သော ပန်းပွင့်လေးများသည် နံ့သာခူးသောလက်ကိုတော့ မုန်းမိကြသည်။ နံ့သာခူးသောလက်ဆိုသော နာမည်သည် အမည်အားဖြင့် တင့်တယ်လှပသလောက် ပန်းပင်လေးတွေအတွက် ပန်းပင်လေးတွေအတွက် အခံရခက်လှသည်။ ပန်းပွင့်လေးတွေအတွက် မျက်ရည်ဝဲရသည်။ ကြွေချိန်မတန်သေးဘဲ အချွေခံရမည်ကို တွေးပြီး ကြောက်မိကြသည်။ ပန်းပင်လေးတွေကို ချစ်မြတ်နိုးတဲ့သူတိုင်း ပန်းခင်းလေးများ၏ရှေ့တွင် ပန်းမခူးရဆိုသော […]
