မနားတမ်းခရီသွားနေသူတစ်ယောက်ကို နှစ်နှစ်လောက် ကိုယ့်နယ်ကနေ ဘယ်ကိုမှမခွာရဘူး …လို့ ပိတ်ပင်ခံလိုက်ရတဲ့အခါ ရေထဲက အရှင်လတ်လတ်ငါးတစ်ကောင်ကိုဖမ်းပြီး ကုန်းပေါ်ပစ်တင်လိုက်သလိုပဲ…. ဖြန့်ဖြန့်ကိုလူးပါတယ် ။ ဒီခံစားချက်မျိုးကို တချို့တွေခံစားဖူးပါတယ် ။ ဘာနဲ့မှအစားထိုးလို့မရနိုင်တဲ့ခံစားမှုမျိုးဆိုတာကိုလည်းသိကြမှာပါ ။ ခရီးသွားပြီးတစ်ခုခုကိုစူးစမ်းချင်တဲ့အာသီသကိုပြေပျောက်စေဖို့ဆိုတာ ခရီးတစ်ခုခုကိုသွားလိုက်ရမှကိုဖြစ်ပါတယ် ။ ဘယ်လိုခရီးမျိုးဖြစ်ပစေ အိမ်ကနေခဏခွာပြီးသွားရတာကိုပဲစိတ်ထဲမှာ ကျေနပ်နေရောပဲ ။ ဒါကြောင့် ကိုယ့်နယ်ထဲမှာရှိတဲ့ သဘော့ဆိပ်ပင်လယ်အော်ရွာလေးဆီကို သွားလိုက်ပါတယ် ။ သဘော့ဆိပ်ရွာလေးဟာ ထားဝယ်ခရိုင် လောင်းလုံးမြို့နယ်ထဲမှာတည်ရှိတဲ့ပင်လယ်ကမ်းခြေရွာတစ်ရွာဖြစ်ပါတယ် ။ လူသိမျာပြီးထင်ရှားတဲ့ မောင်းမကန်ကမ်းခြေနဲ့လည်းနီးပါတယ် ။ မောင်းမကန်ပင်လယ်ကမ်းခြေကနေ ကမ်းခြေတလျှောက် တောင်ဘက်ကိုကြည့်လိုက်ရင် ပင်လယ်ဘက်ကိုကွေ့ဝိုက်ပြီးထိုးထွက်နေတဲ့ ကုန်းအဆွယ်လေးတစ်ခုကိုတွေ့ရမှာပါ ။ အဲဒီနေရာဟာ ဘဘော့ဆိပ်ပင်လယ်အော်ပဲဖြစ်ပါတယ် ။ အဲဒီရွာကလူတွေဟာ တံငါလုပ်ငန်းကိုအဓိကလုပ်ကိုင်ကြပြီး ကျွန်တော်တို့ထားဝယ်ခရိုင်ထဲမှာရှိတဲ့ ( ထားဝယ် ၊ ရေဖြူ ၊ သရက်ချောင်း ၊ လောင်းလုံး […]

မြန်မာနိုင်ငံ၊ တနင်္သာရီတိုင်းဒေသကြီးရှိ 115 ကျွန်း(115 island) သည် မြိတ်မှ ၁၅၂ မိုင်၊ ကော့သောင်မှ ရေမိုင် ၃၈ မိုင်ခန့်အကွာတွင် တည်ရှိပြီး ကျွန်းငယ်များစုနေသော ကျွန်းစုတစ်ခုဖြစ်သည်။ ရှည်လျားသောသစ်သားဆိပ်ခံတံတားသည် ပင်လယ်ပြင်ရှိ လှပသောရှုခင်းများကို ကြည့်ရှုခံစားနိုင်သော နေရာတစ်ခုဖြစ်ပြီး ကြည်လင်သောရေနှင့် အရောင်အသွေးစုံလင်ပေါများသောငါးများ၊ မာကျောပြီးနူးညံ့သောသန္တာကောင်များစွာကိုကြည့်ရှုရန် အဆင်ပြေသော နေရာတစ်ခုဖြစ်သည်။ ရေငုပ်ကာ ပင်လယ်ကြမ်းပြင်အောက် လေ့လာလိုသူများအတွက် မျဖစ္မနေသွားသင့်သည့် ကျွန်းတစ်ခုလည်းဖြစ်သည်။ မိုးသစ်တောကိုဖြတ်၍ တောလမ်းခရီးသွားခြင်းနှင့် တောင်တက်ခြင်းအတွက်လည်း အချိန်ဖြုန်းရန် အကောင်းဆုံးကျွန်းများထဲမှ တစ်ခုဖြစ်သည်။ အလွန်ဖြူစင်ပြီး နူးညံသောသဲသောင်ပြင်များကလည်း ကျွန်း၏အလှတစ်ခုဖြစ်သည်။ #Greeness Photo:AsiaTourGate&Tripadvisor

တောင်ဇလပ်နီ၏ ရုက္ခဗေဒအမည်မှာ Rhododendron arboreum ဖြစ်သည်။ အနီနှင့် အဖြူ မျိုးနွယ်စုထဲမှ အနီမျိုးဖြစ်ပြီး အာရှဒေသ၏ အေးမြ မြင့်မားသော တောင်တန်းဒေသများတွင် ပေါက်ရောက်သည်။ ကမ်ဘာပေါ်တွင် တောင်ဇလပ်နီပန်းကို ဘူတန်၊ တရုတ်၊ အိန္ဒိယ၊ မြန်မာ၊ နီပေါ၊ သီရိလင်္ကာ၊ ပါကစ္စတန်နှင့် ထိုင်းနိုင်ငံတို့တွင် ပေါက်ရောက်သည်ဟုဆိုသည်။ မြန်မာနိုင်ငံတွင် ရှမ်း၊ ကချင်နှင့် ချင်းပြည်နယ်တို့တွင် ပေါက်ရောက်ပြီး ချင်းတောင်တန်းသည် တောင်ဇလပ်မြေဟု ခေါ်ရလောက်အောင် တောင်ဇလပ်နီများ ပေါက်ရောက်ရာဒေသဖြစ်သည်။ အပင်သည် အအေးဓာတ်ကိုကြိုက်သည်။ အမြင့်ပေ ၅၀၀၀ ကေန ၁၀၀၀၀ ကြားတွင်သာ ပေါက်ရောက်ရှသန်နိုင်ပြီး ရေခဲမတတ်အေးသော တောင်ပေါ် ဒေသမျိုးမှာ အခြားအပင်များ ရှင်သန်ရန်ခက်ခဲသော်လည်း တောင်ဇလပ်နီပင်များမှာ ရှင်သန်ကြသည်။ တောင်ပေါ်တွင် တိုက်ခတ်နေသော လေသည် ပြင်းထန်သည် အေးစက်သည် […]

ပန်းလောင်မြစ်သည် အလျားမိုင် ၁၂၀ ခန့်ရှိသော မြစ်တစ်စင်းဖြစ်ပြီး မန္တလေးတိုင်းဒေသကြီး၊ သာစည်မြို့နယ်အတွင်း ယင်းမာပင်အနောက်မြောက်ဘက်၊ ဘုရားငါးဆူရွာ၏ အရှေ့ဘက် လေးမိုင်အကွာခန့်မှ စတင်မြစ်ဖျားခံ စီးဆင်းသော မြစ်တစ်စင်းဖြစ်သည်။ အဆိုပါမြစ်သည် အနောက်ဘက်မှ အရှေ့သို့ အနည်းငယ် စီးဆင်းပြီးနောက် ကြပ်စခန်းရွာအနီးတွင် မြောက်ဘက်သို့ စီးဆင်းသွားသည်။ ရှမ်းပြည်နယ် ရွာငံမြို့နယ် မင်းပလောင်ရွာနှင့် ရနဲရွာအနီး အနောက်ဘက်မှနေ၍ မြောက်ဘက်သို့ စီးဆင်းသွားသည်။ ပြဒါးလင်းဂူ သဘာဝဘေးမဲ့တောသည် ဤမြစ်၏ အရှေ့ဘက်တွင် ရှိသည်။ ကင်းတားဆည်သည်လည်း ပန်းလောင်မြစ်ကို အကြောင်းပြု၍ ဖြစ်လာရသည်။ ပန်းလောင်မြစ်သည် တံတားဦးလေဆိပ်၏ အရှေ့တောင်ဘက် ကျောက်ဆည်မြို့ အနောက်တောင်ဘက်တွင် စမုံမြစ်တွင်း စီးဝင်၍ တံတားဦး အင်းဝအနီးတွင် မြစ်ငယ်မြစ်တွင်း စီးဝင်သည်။ #Greeness Ref:BRN Photo:Original Owners

ချောက် ရေနံချောင်း ဒီအနီးတစ်ဝိုက်မှာတော့ အကြီးဆုံးကန်ကြီး ရေနေဆုံး ကန်ကြီးလို့ ပြောလို့ရပါတယ်။ ဂွေးချိုတောင်တန်းနောက်ကို ကန်​ပေါင် (ကန်ဘောင်) နောက်ခံ ထားကာ ပတ်ချာလည်မှာလည်း ဂွေးချိုတောင်တန်း တွေ ဝန်းရံထားပါသည်။ ပတ်ချာလည် သစ်ပင်တောင်တန်းတွေက ဝန်းရံထားတာဆိုတော့ သဘာဝအတိုင်း လေတိုက် ရေငွေ့ပျံမှု့ ထိန်းသိမ်းပြီးသားလည်း အတော်အသင့်ဖြစ်သွားမှာပါ။ ကန်ဧရိယာကတော့ အတော်ကြီးမားလှတဲ့ ကန်ကြီးပါ။ ကြိုက်သလောက်ရေဝင် နောက်ခံကလည်း တောင်တန်းကြီးတွေ ဆိုတော့ ထိန်းထားနိုင်ပါသည်။ ကန်ကြီးက ရေဓာတ်တွေကြောင့်လားမသိဘူး ကန်ရဲ့ အနောက်ဘက်ခြမ်း တောင်တန်း တွေဆို အရိပ်လည်းကောင်း တောင်တန်းထဲ ဖြတ်သွားလိုက်ရင် ရာသီဥတုက အေးချမ်းလှပါသည်။ တောကောင်းအေးချမ်းလှတဲ့နေရာမှာ ဘုန်းကြီးကျောင်းလေး လည်းရှိပါသည်။ ကန်ကြီးသွားရာလမ်းကတော့ နှစ်လမ်းရှိ။ ဂွေးချိုကနေ တစ်ဆင့် လမ်းခွဲ ကျောက်ပန်းလမ်းတိုင် လိုက်ပြီး အနီးနား လမ်းဘယ်ဘက် […]