ချောင်းဖြစ်လာတဲ့မြစ်တွေ
” မြစ်ကမ်းပါးတွေကလည်း ပြိုတယ်ဟေ့ ဒီနှစ်လည်း။ မြစ်က ကောနေပါပြီကွာ။ ရာသီဥတု မမှန်တာကိုး” လို့ မြစ်သာ မြစ်ကမ်းပါးဘေးမှာနေတဲ့ ကျွန်တော့်အစ်ကိုဝမ်းကွဲက ဖုန်းထဲကနေ ညည်းပါတယ်။ မြစ်သာမြစ်ဟာ မကွေးတိုင်း၊ ယောဒေသကနေ စစ်ကိုင်းတိုင်းထဲက ချင်းတွင်းမြစ်ကို စီးဝင်တဲ့မြစ်တစ်စင်းဖြစ်ပါတယ်။ ကျနော်တို့ငယ်ငယ်က အမြဲတမ်းကူးခတ်ဆော့ကစားခဲ့ရတဲ့ မြစ်ဖြစ်ပါတယ်။ ကျွန်တော်တို့ငယ်စဥ်ကတော့ မြစ်သာမြစ်ဟာ နွေရာသီမှာတောင် ရေတော်တော်နက်တဲ့နေရာတွေရှိပါတယ်။ ခုချိန်မှာတော့ မြစ်ဟာ လူတရပ် မြုပ်လောက်တဲ့နေရာတောင် တော်တော်ရှားလာပြီဖြစ်ပါတယ်။ ကျနော်တို့်ငယ်စဥ် မြစ်ဟာ ရေကြောင်းပြောင်းလဲတာမျိုးသိပ်မရှိလှ။ ခုနောက်ပိုင်းအချိန်တွေမှာတော့ မြစ်ရေကြောင်းဟာ တစ်နှစ်တစ်ခါဆိုသလို ပြောင်းလဲနေတာပါ။ အချို့နေရာတွေမှာ ဆို မြစ်ဟာ မြစ်အသွင်ပျောက်ပြီး ချောင်းကလေးလို စီးဆင်းနေတတ်ပါတယ်။ မြစ်သာမြစ်ထဲကိုစီးဝင်နေကြတဲ့ မဏိပူရ်မြစ်နှင့် နေဉ္ဇရာမြစ်တွေကတော့ နွေရာသီမှာ တကယ့်ချောင်းအဖြစ်ကို ရောက်နေပြီဖြစ်တယ်လို့ ဒေသခံတွေက ဆိုပါတယ်။ ” မဏိပူရ်မြစ်ကမှ […]